Bawrhsap in COVID-19 hrileng darh zau zel tur ven nan mipuite inthlahdah lo turin a ngen

Serchhip District Bawrhsap leh District Disaster Management Authority-a Chairman Kumar Abhishek chuan COVID-19 hrileng darh zau zel tur ven nan mipuite chu inthlahdah lo turin a ngen.

COVID-19 hri leng mek chungchanga thuchhuah a siamah District Bawrhsap leh istrict Disaster Management Authority-a Chairman Kumar Abhishek chuan Mizoram chhunga District hrang hrang zingah Serchhip District chu hri kai tamna District a ni deuh reng mai tih tarlangin, COVID-19 hrileng darh zau zel tur ven nan Covid Appropriate Behaviou (CAB) zawm chungchangah leh Mask vuah chungchangah mipuite inthlahdah lo turin a ngen a. Hmai kan tuam that hian kan chhungkua mai bakah kan khawtlang kan venghim a ni tih tarlangin, “Vaccine la la lo, la thei zawng zawngte pawh vaccine la vek turin kan inngenin kan inhriattir nawn leh bawk a ni e,” a ti a. Krismas leh kum thar him tlang taka hman anih theih nan Serchhip District chhunga Office hrang hrang leh khua leh Veng tin VLTF ten Covid Appropriate Behaviour (CAB) mipuiten an zawm theih nan hma la thar leh theuh tur a ngen bawk.

Hetihlai hian Mizoram Sawrkar Disaster Management & Rehabilitation Department-in COVID-19 hrilêng vanga inkhuahkhirhna dan a chhuah angin COVID-19 hrilêng hluar zel laka mipuite himna atan tun thla ni 15 thleng atana Serchhip District mipuite tan inkaihhruaina pawh tihchhuah thar a ni a. Inkaihhruaina thar ah hian a hmaa kalphung tih danglam a awmlo niin a lang a, inkhuahkhirhna te bakah hian State Level Expert Team on COVID-19 Management (SLETO-COM) recommendation chu uluk taka zawm tur niin hetah hian tuna kan dinhmunah hian Pathian biak Inkhawm, Kohhran Programme dang leh puipunna reng rengah a hmun hma zawh tawk zatve (50% of seat capacity) pel-a mipui punkhawm ala him rihloh thu te, Ei leh in sem leh ruai theh mup mup ala him rih loh thu leh buatsaih loh ni thei se tih te leh Mask vuah lova thusawi leh zai a him loh thu leh midang hnaia thusawi lai leh zai laiin uluk taka Surgical Mask tal vuah thin tur a nih thu te tarlan a ni thung a ni.

Comments

Popular News (Last 30 Days)

Serchhip DCSO sawn a ni