Mizoram Basketball Team ah Serchhip tlangval fehchhuak mek

/

Mizoram aiawha Basketball khel tur Mipa leh Hmeichhia te chuan Mizoram chhuahsanin Mipa Team-ah hian Serchhip mi pakhat a tel a ni.

Championship Basketball Federation of India (BFI) buatsaih 71st Senior National Basketball Championships Men & Women – North East Zone chu Vawiin atang hian Shillong (Me-ghalaya)-ah khelh a ni dawn a, Mizoram Basketball Association (MBBA) chuan Mipa leh Hmeichhe team tirin heng mite hian Mizoram chhuahsanin Shillong hi an thleng tawh a ni.

Senior National Basketball Championship khelh tur atan hian India ram pum hi Zone panga (5)- North Zone, South Zone, East Zone, West Zone leh North East Zone-ah te then niin Zone tin te hian December 31, 2021 hma in Zone Championship hi neih zawh hman tur a ni a. North, South, East leh West Zone-a Top Three (3) bakah North East Zone-a Champion Team, Services Team, Indian Railways Team leh a thleng tu (Host) Team te nen an vaiin Team16 in Senior National Regional Basketball Championships hi January 23 - 30, 2022 hian Chennai, Tamil Nadu-ah an khel leh dawn a ni.

Mizoram Mipa Team-ah hian Serchhip mi pakhat telin Michael Liansanga, Chanmari Veng chu Mizoram Team-a tel tur hian thlan a nih angin a kal a, Mipa Team te hian an match hmasa berah tukin dar 9:00 hian Tripura chu an hmachhawn dawn a, naktuk-ah Meghalaya leh Nagaland hmachhawn lehin Inrinni-ah Manipur leh Pathianni-ah Assam an hmachhawn ang.

Hmeichhe Team te pawhin Vawiin hian Meghalaya hmachhawnin naktuk ah Assam an hmachhawn bawk ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »