Hri kai thar 320 leh dam 276 awm belh leh

Niminpiah khan Mizoram-ah Sample 3051 enfiah niin COVID-19 hri kai mi 320 hmuhchhuah an ni a, Sample enfiah atanga chhutin za zela 10.49 te chuan hri an kai a ni.

ZMC-a RT-PCR Laboratory-ah niminpiah khan Aizawl District atanga Sample lak 372 enfiah niin heng atang hian hri kai 38 hmuh an ni a, Samlukhai-ah hri kai hmuh tam berin 13 hmuh an ni a, a bak hi Veng leh khua 17 atanga hri kai hmuh te an ni. Fluorescent Immunoassay Test hmangin niminpiah khan Aizawl District-ah Sample 15 enfiah ni bawkin hri kai mi 8 hmuh an ni a, an vaiin Aizawl khawpui chhung ami te an ni.

District 11-a TrueNat Laboratory te zingah 4-ah Sample enfiah awm lovin District 7 atangin Sample 135 enfiah a ni a, heng atang hian hri kai mi 43 hmuh niin an zinga 34 te chu Lunglei District-a hri kai hmuh niin Lunglei District Jail atangin hri kai mi 24 hmuh an ni a, Hnahthial District atangin hri kai mi 3 hmuh niin Aizawl, Champhai leh Kolasib District-ah hri kai mi pahnih theuh hmuh an ni bawk.

Rapid Antigen Test hmangin niminpiah khan Mizoram-ah Sample 2529 enfiah niin heng atang hian hri kai mi 231 hmuh an ni bawk a, an zinga 104 te hi Aizawl District-a hri kai hmuh te niin Serchhip District-ah hri kai mi 61 zet hmuh an ni leh bawk a, Khawzawl District-ah hri kai mi 22 hmuh ni bawkin Lawngtlai District-ah 12, Lunglei District-ah 11, Mamit District-ah 8, Saitual District-ah 5, Hnahthial District-ah 4, Kolasib District-ah 3 leh Siaha District-ah hri kai mi pakhat hmuh an ni bawk.

Heti hian nimin thlenga Mizoram-a hri kai hmuhchhuah tawh chu 1,37,377 niin nimin khan hri kai enkawl dam mi 276 an awm belh leh a, heti hian Mizoram-a hri kai te zingah 1,34,095 te enkawl dam ni tawhin hri kai hmuhchhuah atanga chhutin za zela 97.61 te enkawl dam an ni tawh a, hri kai enkawllai 2773 la awmin nizan hmasa khan hri kai zingah mi pakhat boralin nimin-a mi dang pakhat a boral leh bawk a, Mizoram-a hri kai zingah mi 510 an boral tawh a ni.