Ni khat-a hri kai hmuhchhuah zat tlahniam zel

Niminpiah khan Mizoram-ah Sample 3252 enfiah leh niin heng atang hian COVID-19 hri kai 273 hmuhchhuah an ni a, Sample enfiah atanga za zela 8.39 ten hri kaiin Mizoram-ah hri kai hmuhchhuah an tlem ve zel a ni.

Niminpiah khan ZMC-a RT-PCR Laboratory-ah Aizawl District atanga Sample lak 308 enfiah niin heng atang hian hri kai mi 21 hmuh an ni a, Veng leh khaw mal-a hri kai mi pakhat aia tam hmuhna pali chiah a awm a ni. Aizawl-ah hian Fluorescent Immunoassay Test hmangin niminpiah khan Sample 24 enfiah ni bawkin hri kai mi pahnih hmuh an ni a, Aizawl khawpui chhung ami ve ve an ni bawk.

Siaha leh Lawngtlai tihloh District danga TrueNat Laboratory hrang hrangah Sample 156 enfiah ni bawkin heng atang hian hri kai mi 28 hmuh an ni bawk a, an zinga 13 te chu Lunglei District-a hri kai hmuh te niin Hnahthial District-ah 11, Aizawl District-ah pahnih leh Kolasib leh Khawzawl District-ah hri kai mi pakhat ve ve hmuh an ni bawk.

Rapid Antigen Test hmanga hri kai hmuhchhuah erawh an la tam thung a, niminpiah khan Rapid Antigen Test hmang hian Sample 2764 enfiah niin hri kai mi 222 hmuh an ni a, an zinga 123 te chu Aizawl District-a hri kai hmuh te niin Champhai District-ah 22, Khawzawl District-ah 14, Serchhip leh Saitual District-ah 13 ve ve, Mamit leh Hnahthial District-ah 11 ve ve, Lunglei District-ah 10, Siaha District-ah 4 leh Kolasib District-ah hri kai mi pakhat hmuh an ni bawk.

Nimin khan Mizoram-a hri kai enkawl zingah mi 309 te chu enkawl dam an ni leh a, heti hian nimin tlai dar 5:00 thleng khan Mizoram a hri kai hmuhchhuah chu 1,37,057 niin an zinga 1,33,819 te chu enkawl dam an ni tawh a, hri kai hmuhchhuah tawh atanga chhutin za zela 97.64 te enkawl dam an ni tawh a, hri kai enkawllai 2730 an la awm a ni. Nimin khan tlai dar 5:00 thlengin hri kai zingah boral awm belh lovin hri kai te zingah mi 508 an boral tawh a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar