Siaha tana tui lakna thawmthatna hawn a ni

Cheng nuai 782.76 senga Siaha tui lakna thawmthatna tur an siam, Augmentation of Urban WSS, Siaha chu nimin khan Social Welfare Minister Dr. K. Beichhua chuan a hawng.

PHE Department Pump House,New Siaha kawt-a hemi puala inkhawm neih ah Dr. K. Beichhua chuan kum tam tak Siaha khawpuiin tui harsatna an tawh te sukiang turin PHE Department changtu Deputy Chief Minister a zuk tah aw thu leh Deputy CM chuan an manganna te hriatthiampuiin Special Assistance to State for Capital Expenditure atangin AUWSS, Siaha siamna tur Fund lo pein, project Amount cheng nuai 800 atangin cheng nuai 783.76 a lo sanction tih a sawi.

Siaha khawpui in nitin a tui mamawh zat chu litre 14,00,000 niin kum 2013-a Renewal &Augmentation of Urban WSS hnuaiah 40% Gravity leh 60% Pump a tui hi hmuh tura ruahhmanna siam a ni a. Amaherawh chu Power Supply hmuh that loh avang te, Siaha-Tisopi kawng sialna ah Gravity a tuilakna pipe an tihchhiat avangte in Kkum 2018 atang khan nitin tui litre nuai 6 vel chauh pump atangin hmuh a ni a, AUWSS, Siaha hman theih a lo ni takah chuan lui 4 ami tui lain kumin June thla atang khan lo hman tan a ni tawh a ni.

Comments

Popular News (Last 30 Days)

Serchhip DCSO sawn a ni