Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Hri kai thar 459 leh enkawl dam 254 awm belh

Niminpiah khan Mizoram-ah Sample 5174 enfiah leh niin heng atang hian COVID-19 hri kai 459 hmuh leh an ni a, Sample enfiah atanga za zela 8.87 te chuan hri an kai a ni.

Niminpiah khan ZMC-a RT-PCR Laboratory-ah Aizawl District atanga Sample lak 474 enfiah niin heng atang hian hri kai mi 64 hmuh an ni a, Veng leh khua 33 ami te niin Aizawl khawpui chhungah veng mal-a hri kai mi 5 aia tam hmuhna a awmlo a ni. Aizawl-ah hian Fluorescent Immunoassay Test hmangin Sample 19 enfiah ni bawkin hri kai hmuhchhuah erawh an awmlo thung.

Mizoram District 11-a TrueNat Laboratory zingah Aizawl, Kolasib leh Lawngtlai tihloh District dang zawnga TrueNat Laboratory atangin niminpiah khan Sample 206 enfiah ni bawkin heng atang hian hri kai mi 51 hmuh an ni bawk a, an zinga 25 te chu Lunglei District-a hri kai hmuhchhuah niin Champhai District-ah 11, Serchhip District-ah 8, Hnahthial District-ah 3 leh Mamit leh Khawzawl District-ah 2 ve ve an ni.

Rapid Antigen Test hmangin niminpiah khan Sample 4475 enfiah ni bawkin heng atang hian hri kai 344 hmuh an ni bawk a, an zinga 110 te chu Aizawl District-a hri kai hmuhchhuah niin Champhai District atangin hri kai 45 hmuh an ni bawk a, Lunglei District-ah 42, Kolasib District-ah 40, Serchhip District-ah 37, Khawzawl District-ah 21, Lawngtlai District-ah 18, Mamit District-ah 12, Siaha District-ah 9, Hnahthial District-ah 7 leh Saitual District-ah 3 hmuhchhuah an ni.

Nimin khan Mizoram-a hri kai 254 te enkawl dam an ni leh a, nimin tlai dar 5:00 thlengin Mizoram-a hri kai hmuhchhuah tawh chu 1,29,845 niin an zinga 1,24,242 (95.68%) enkawl dam ni tawhin enkawllai 5136 leh boral 467 an awm tawh bawk a ni.

Comments

Chhiar Hlawhte

Book of the Year hlan