Serchhip-a OSC pantu pung
National Girl Child Day hawnna neih a ni
SDCA hruaitu thlanna nei
Kangmei venna sawiho
Kumin ah Heroin man tam
MZP Pisa hawnna neih a ni
MCDC thutkhawm nei
National Girl Child Day hawng
Assam Rifles hotu thar in Chief Minister a kawm
Nimin khan 24 Sector Assam Rifles Commander thar Brigadier Girish Upadhyay SM, VSM chuan Chief Minister Zoramthanga chu a chenna In-ah a kawm a, Chief Minister chuan Assam Rifles te chu an hmun thar Zokhawsang-a a hma thei ang bera insawn tur a duh thu leh hemi atana hma la tura a duh thu a lo hrilh a ni.
G20 Meeting tur sawiho
Kumin March ni 2-a Aizawl in G20 Business Meeting a thlen tura hun hman dan tur leh thil pawimawh hrang hrang duanlawk te thlirho in nimin khan Sub-Committee on Conference, Programme & Event Management chu an Chairman, Commerce & Industries Principal Secretary Esther Lal Ruatkimi hovin a Office-ah an thukhawm.
PHH Ration buhfai pek dan ennawn leh theih
Mizoram sawrkar chuan Priority Household (PHH) te tana Ration buhfai pek belh thin tihtawp chu a tul anga ennawn leh theih a nih thu an sawi.
Tuivai lui sumdawn tawnna atan Minister in enfiah
Mizoram leh Manipur inrina Tuiruang leh Tuivai infinnaa Tuivai lui chu Lawng hmanga Mizoram leh Assam insumdawn tawnna atan hman tangkai theih a nih dawn leh dawn loh Transport Minister TJ. Lalnuntluanga chuan a hmunah a enfiah.
RBI hotuten Mizoram Governor an kawm
Reserve Bank of India (RBI) Office, Aizawl-a Officer-in-Charge P. Shimrah leh Mizoram Rural Bank (MRB) Chairman V. Jaya Chandra bakah RBI Officer dang ten nimin khan Governor Hari Babu Kambhampati kawmin Bank hmalakna chungchang an sawiho.
Central YMA in Bangladesh atanga raltlan te tlawhin thlamuang taka awm turin an chah
Central YMA hruaitute chuan nimin khan Bangladesh atanga Mizo hnahthlak unau, sahimna zawnga India ram rawn tlanlut te an chenna hmun, Parva leh Vathuampui-ah an tlawh a, Raltlante chu an tih theih chinah theihtawpa tanpui an inhuam thu hrilhin, thlamuang taka awm turin an chah.
Kum 2020 atangin Mau tiak 8,49,425 sem tawhin a leina atan Rs. 6,48,16,750/- sen a ni tawh
Horticulture Department chuan kum 2020 atang khan loneitute hnenah Mau tiak chin tur 8,49,425 a sem chhuak tawh a, Mau tiak leina atan Rs. 6,48,16,750/- hman a ni tawh a. Mau chintir atang hian tharchhuah la awm lovin Mau thar te hralhna turin Department in ruahmanna a la siam lo bawk.