District Bawrhsap in Sainik School a tlawh

/

Serchhip District Bawrhsap Kumar Abhishek IAS chuan nimin khan Chhingchhip a Sainik School chu tlawhin he School Biology Laboratory chu a hawng.

Serchhip Bawrhsap Kumar Abhishek hi Sainik School Chhingchhip-a Principal, Wing Commander Sahul Hameed leh Administrative Officer Major S. Kalyan bakah thawktu dangten an lo dawngsawng a, Bawrhsap hian Sainik hmunhma building hrang hrang te bakah, Playground te fang kualin, hmasawnna hna an thawh hrang hrang te a en a, chumi hnuah School Conference Hall-ah Cadets te leh Staff hote nen inkawm hona an nei zui a ni.

Serchhip District Bawrhsap hian Sainik School in Science Laboratory pathum an neih zinga pakhat, Biology Lab. chu a hawng nghal a, Cadets te leh Staff te nen Cadet Mess ah thingpui in hona te an nei bawk a ni.

Sainik School Chhingchhip-ah hian zirlai Cadets 296 awmin Class VI atanga Class X inkar zirlai an ni a. Tunah hian CBSE hnuaia pawl 10 exam mek Cadets 51 an awm mek a, Officer 2 bakah thawktu dang mi 40 ten an enkawl a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »