NABARD (RIDF-XXIV) sum cheng nuai 1261.78 senga Raifan lui atanga nizung chakna hmanga Sialhawk khua chawmna tur tuilakna, Sialhawk Water Supply Scheme chu nimin khan bialtu MLA leh Deputy Chief Minister Tawnluia chuan a hawng.
Serchhip District Junior (Under-17) Football Championship 2022 chu nimin khan khelh chhunzawm leh a ni.
Serchhip bialtu MLA Lalduhoma chuan Serchhip bial chhunga MLA Fund hmanna tam zawk chu tha tak taka thawh anih avanga lawmthu sawiin, “MLA Fund chu mipuite ta a ni a, dik taka hman chuan hna tam tak a thawh theih a ni,” a ti.
Tunhnaiah Mizoram hmun thenkhat ah Vawk hri, African Swine Fever (ASF) a rawn len leh tak avangin hemi laka Serchhip District a him theih dan tur nimin khan Serchhip DVO Office ah sawiho a ni.
Nimin khan Serchhip District-ah COVID-19 hri kai mi 24 hmuhchhuah leh an ni.
Serchhip Sub-Hqrs. YMA in Sakhisih Sanctuary leh Entlang Social Forestry an enkawl meka Sava awhna tur Thangkam an man te chu nimin khan Serchhip District Honorary Wildlife Warden RL. Chhuanawma chuan a halral.
Niminpiah khan Mizoram-ah COVID-19 hri kai mi 125 hmuh belh leh niin Sample enfiah 758 atangin za zela 16.49 te chuan hri an kai a ni.
Mamit District chhung Bawngthah khuaa Bawngthah High School Building sak thar chu nimin khan bialtu MLA Lalrintluanga Sailo chuan a hawng.
Mizoram sawrkar-a Excise & Narcotics Department chuan sawrkar kum kalta chhung khan Zu leh ruihhlo chi hrang hrang tam tham tak manin Chhiah Rs. 1,79,92,165/- zet an hmu bawk.