Thawhtanni-ah hri kai hmuhchhuah pung hret

Zonuna Kawlni /

Thawhtanni khan Mizoram-ah COVID-19 hri kai hmuhchhuah an pung leh hret a, Mizoram pum-a Sample enfiah 4274 atangin hri kai 320 hmuhchhuah niin Sample enfiah atanga chhut erawh chuan za zela 7.49 chauhin hri an kai a ni.

Thawhtanni khan ZMC-a RT-PCR Laboratory-ah Aizawl District atanga Sample lak 346 enfiah niin heng atang hian hri kai mi 41 hmuh an ni a, Thiak-ah hri kai mi 13 hmuh niin Veng leh khaw mal-a hri kai hmuhchhuah tamna ber a ni a, a dang zawng hi Veng leh khua 11 atanga hri kai hmuh an ni. Fluorescent Immunoassay Test hmangin Aizawl District-ah Sample 8 leh Serchhip District-ah Sample 21 enfiah niin hri kai mi 5 hmuh an ni a, an vai hian Thenzawl vek an ni.

Siaha tihloh District dang zawnga TrueNat Laboratory-ah te niminpiah khan Sample 205 enfiah niin heng atang hian hri kai mi 26 hmuh an ni bawk a, Mamit leh Hnahthial District-ah hri kai mi 5 ve ve hmuh niin Aizawl leh Champhai District-ah hri kai mi 4 ve ve hmuh an ni a, Lunglei District-ah hri kai mi 3 hmuh niin Khawzawl leh Saitual District-ah hri kai mi pahnih ve ve hmuh niin Kolasib District-ah hri kai mi pakhat hmuh a ni bawk.

Rapid Antigen Test hmangin niminpiah khan Sample 3694 enfiah ni leh bawkin heng atang hian hri kai mi 248 zet hmuh an awm leh thung a, an zinga 102 te chu Aizawl District-a hri kai hmuh te niin Baktawng Chhuanthar-ah hri kai mi 14 lai hmuh belh leh an ni a, Khawzawl District-ah pawh hri kai mi 45 hmuh niin Serchhip District-ah 32, Mamit District-ah 17, Champhai District-ah 15, Lunglei District-ah 11, Hnahthial District-ah 10, Siaha District-ah 6 leh Lawngtlai leh Saitual District-ah hri kai mi 5 ve ve hmuh an ni bawk.

Nimin khan Mizoram-ah hri kai mi 412 enkawl dam an awm belh leh a, heti hian nimin tlai dar 5:00 thlenga Mizoram-a hri kai hmuh tawh chu 1,38,613 niin an zinga 1,35,644 te enkawl dam niin za zela 97.85 enkawl dam an ni tawh a, hri kai enkawllai 2444 la awmin hri kai zingah nizan hmasa khan mi pakhat leh nimin-ah mi pahnih boral awm lehin hri kai zingah mi 525 an boral tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »