India ram zalenna kum 75-na lawmna, Azadi Ka Amrit Mahotsav (AKAM) kal zelah Serchhip-a Bank hrang hrangte chuan nimin khan 'Iconic Week' an hmang a, he hunah hian Loan la tur mi 46 te hnenah Loan Sanction Letters sem nghal a ni bawk.
National Highway-54 in Serchhip khawpui a helna tur kawngpui laih avanga Hriangtlang khaw panna kawng min ta helna tur kawng siam dan tur chu nimin khan Serchhip-ah District Bawrhsap hova sawiho a ni.
Niminpiah khan Mizoram-ah COVID-19 hri kai mi 15 hmuh belh niin nimin khan hri kai mi 16 te enkawl dam an ni thung a, nimin tlai thleng khan Mizoram-ah COVID-19 hri kai enkawllai mi 93 an awm.
Aizawl-a Hermon School chuan an School-a Zirlai titha te chawimawina hun nimin khan Aizawl-a Vanapa Hall-ah an buatsaih a, he hun hi I&PR Minister Lalruatkima chuan a hmanpui a ni.
Mizoram chhunga sawrkar School zawng zawngte tana School Uniform inang tlang (Common School Uniform) neih rawtna bawhzuina kalzelah ruahmanna siam chhin a ni ta.
Mizoram-a a khaw mal-a Tomato thar tam, Tualte khua chuan kumin ah an Tomato thar an ti tawih nasa tih sawiin, dah tawih lo turin an insiamrem chho tan mek nia sawi a ni.
Aizawl Millennium Centre-a Grape Wine zuartute atanga tualchhung siam Wine manna ah Zu man tel a ni lo tih Millennium Centre-a dawrkar inzawmkhawl pawl chuan an sawi a. Grape wine an man hi sawrkarin a pelet dawn lo a nih chuan a man hu zangnadawmna pe tura an phut thu an sawi bawk.
Mizoram-a Solar Project lian ber, Power Megawatt 20 pechhuak thei tur Vankal Solar Park chu kumin December thlaa zawh tumin ngawrh takin hmalak mek a ni.
Agri-Clinics and Agri-Business Centers (AB&ABC) Scheme chungchang zirhona ni 45 chhung neih tur chu nimin khan Agriculture Minister C. Lalrinsanga chuan Aizawl-a SAMETI Conference Hall-ah a hawng.
Mizoram Governor Dr. Hari Babu Kambhampati chuan nimin khan Kolasib District tlawhin Kolasib District thuneitute leh khawtlang hruaituten an lo hmuak a, Department hrang hrang hotute nen Kolasib District tih hmasawnna tura Sawrkar laipui Scheme kalpui dan te sawiho.