Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Motor dahna tur leh dah phal lohna siam thar a ni

Serchhip khawpui chhunga Motor dahna tur leh dah phallohna hmun te siam thar a ni.

Nov. 22, 2021 atanga hman tan tura Serchhip SP Stephen Lalrinawma’n thuchhuah siama a tarlan danin Parking Area tur hi hmun 14-ah siam niin Bazar Veng-a B. Zoliana Building kawt atanga Chanmari Veng pan pheina RV Enterprise kawt thleng (12 mtrs) chu Dropping Zone atan puan a nih bakah Bazar Veng-a Vanlalsawma Building kawt Electric ban atanga chhim lam UBI Office kawt (Tuikhuah Veng) thleng (145 mtrs) chu No Parking Area atan puan a ni bawk.

Serchhip-a Parking Area puan thar te :

(1) Serchhip AOC Veng-a Education Office kawmthlang kawng chhak lam atanga Chhim lam Pi Ngaihawmi Restaurant kawt thleng (32mtrs) hi Two Wheeler leh LMV Parking atan.

(2) AOC Veng, SBI ATM Booth atanga chhimlam (Bazar lam 22mtrs) hi Two Wheeler parking atan.

(3) Serchhip Town Hall/Indoor Stadium luhna kawng peng atanga chhim lam (Bazar lam) kawng chhak zun In thlen hma (24mtrs) hi LMV Parking atan.

(4) Serchhip Town Hall/Indoor Stadium hnuai kawng chhak lama zun In atanga chhim lam Town Hall/Indoor Staduim luh chhohna bul atanga step railing ban thleng hi (50mtrs) hi LMV leh Two Wheeler Parking atan.

(5) Indoor Stadium/Town Hall thlang PWD peng atanga chhim lam Bazar luhna kawt (73mtrs) hi LMV leh Two Wheeler Parking atan.

(6) Bazar kawt Waiting Shed atanga chhim lam kawng chhak lam zel (19mtrs) hi LMV Parking atan.

(7) RV Enterprise dawr kawt atanga Sa zawrhna bul electric ban thleng (13mtrs) hi Two Wheeler Parking atan.

(8) Bazar Sumo dropping zawn bul (TT Vision Office) atanga chhim lam Pi Zopari Building (Shoe Centre) thleng (33mtrs) hi Two Wheeler Parking atan.

(9) Bazar veng, Pi Zopari Building (Shoe Centre) atanga chhim lam Apex Bank Office kawt thleng (19 mtrs) hi LMV Parking atan.

(10) Bazar veng, M/S Thansiama Building (Appolo Counter) kawt Electrict ban atanga chhim lam MRB Gate thleng (19mtrs) hi LMV Parking atan.

(11) MRB, Bazar veng, Gate bul atanga chhim lam Pu Vanlalsawma Sailo Building kawt electric ban thleng (7.5 mtrs) hi Two Wheeler Parking atan

(12) Tuikhuah Veng, Sumo stand atanga chhim lam (13 mtrs) hi Two Wheeler Parking atan.

(13) Tuikhuah Veng, UBI Office Building opposite kawng chhak lam zel Vengchung lam panna atanga chhim lam leitlahniam thlen thlak hma Mizoram UPC Pastor Quarters opposite thleng (129 mtrs) hi LMV Parking atan.

(14) IOC Veng, Serchhip Auto Rickshaw Stand Pu Zairema Building kawt atanga hmar lam Pu Khan-a Building kawt thleng (67 mtrs) hi LMV leh Two Wheeler Parking atan.

Comments

Chhiar Hlawhte

Book of the Year hlan