Posts

Showing posts from September, 2017

Govt. Serchhip College zirlai naupang ten Sesah lui leh Hmawngawn lui an thianfai

Image
Serchhip District Sanitation Task Force hmalakna in nimin khan Govt. Serchhip College zirlai ten Sesah lui leh Hmawngawn lui thenfai hnatlang an nei.

MNF party sum dawn sawifiah

MNF Treasurer, Vanlalzawma MLA chuan nimin khan Aizawl a Mizo Hnam Run-ah thu sawiin Mizo Carbon a\anga sum an dawng nia sawi chungchang a sawifiah.

VIP Culture hi tihbo kan tum dawn - Lalduhoma

ZNP President, Lalduhoma chuan, “Zoram Peoples’ Movement, |angrual Pawl kan sorkar chuan VIP Culture hi tihbo kan tum dawn a ni,” a ti.

Chakma a pawnga pui-a dodal chi nilo tih sawi

Chief Minister,, Lal Thanhawla chuan Chakma-te chu India khua leh tui dik tak a nih avangin a pawnga puia dodal ngawt chi an ni lo niin a sawi.

Zirlai ten lem inziahsiakna nei

Gram Samridhi Evam Swachhata Pakh-wada hman tur pualin niminpiah khan East Lungdar RD Block huamchhunga High School leh Higher Secondary School zirlaite tan Painting Competition neih a ni.

Serchhip-ah Workshop on Hazard Risk and Vulnerability Analysis nei

Nimin khan Serchhip DC’s Conference Hall-ah Workshop on “Hazard Risk and Vulnerability Analysis” (HRVA) neih a ni a, he hun hi Serchhip District Addl. DC, Chuauhnuna chuan khuallian niin a hmanpui a ni.

Serchhip District-a Khaw 2-ah Cleanliness Rally neih a ni

PHE Serchhip WATSAN Division hmalakna in nimin khan Chhingchhip khua leh Kei\um khua ah te Swachhta Hi-Sewa, Cleanliness Rally neih a ni.

Chawngte-a MSU hruaitu \henkhat kutthlak duhloh lantirin Aizawl-ah kawng zawh a ni

Mizo Students Union (MSU) General Headquarters: Aizawl leh Aizawl City College Joint StudentsUnion (ACCJSU) te huaihawtin Chawngte-a Chakma ten Ram leilungfa, Mizote kut an thlak leh an sawisak duhlohna leh lungawihlohna lantirna kawngzawh nimin khan Aizawl-ah neih a ni.

Jail tang tana Pathian thu zirna tur tlangzarh a ni

Prison Department changtu Home Minister, R. Lalzirliana chuan nimin khan Aizawl-a Central Jail-ah Jail chhunga Pathian thu zirna atana siam zirlaibu ‘Nun kawng dik’ chu a tlangzarh.

NE State zingah Mizoram in RSBY-ah a ti\ha ber

Hmarchhak State zingah Mizoram Sorkar in Rashtriya Swasthya Bima Yojana (RSBY) ah a ti \ha ber.

P/S leh M/S Zirlai naupangte tan inelna buatsaih a ni

Zoram Entu Pawl hmalakna hnuaiah nimin khan Primary School naupangte tan ‘Spelling Bee’ leh Middle School zirlai naupangte tan ‘Picture Talk’ inelna buatsaih a ni.

Damlo enkawlna hmanraw tha NEDP atanga lei turin sorkar in hma a la mek - Chief Minister

Chief Minister, Lal Thanhawla chuan Mizoram Doctor ten \angkai taka an hman tur hmanraw \ha leh bungraw \ha chu NEDP a\anga lei turin sorkar in hma a la mek tih a sawi.

Larsap in MPSC Chairman kawm

Mizoram Public Service Commission (MPSC) Chairman, PC. Lawmkunga chuan nimin khan Mizoram Larsap, Lt. Gen. (Rtd) Nirbhay Sharma chu kawmin MPSC chungchang leh a pension hnua a kal zel dan tur a sawipui

‘Mizoram Education Reforms Commission rawtna siam tam zawk chu tihpuitlin a ni tawh’ - Education Minister

School Education Minister, H. Rohluna chuan Mizoram-a Zirna tihmasawn tura Mizoram EducationReforms Commission rawtna siam tam zawk chu tihpuitlin anih tawh thu sawiin, Headmaster a kaisan theihna seniority a kalpui \hin chu tih danglam anih thu a sawi.

Mizoram sorkar-a Minister te hna chanpual thar

Chief Minister, Lal Thanhawla kaihhruai Mizoram sorkar-ah tunhnaia Minister of State pahnih lakluh an nih Minister thar te hna chanpual tur chu siam thar a ni ta a.

Intodelh duh vangin MPSC in fee an ti to tih an sawi

Mizoram Public Service Commission (MPSC) Chairman, PC. Lawmkunga chuan MPSC-in exam an buaipui \hina Fee a to chhan chu sorkar in intodelh tura a tih vang a nih thu a sawi.

National Level Monitoring Team ten Serchhip District a thingtlang khua ODF-a inpuang te enfiah tan

Image
Serchhip District chhunga thingtlang khaw hrang hrangte chu Pawnler-a inthiar awmlohna, Open Defecation Free-a an inpuan hnuah nimin a\ang khan National Level Monitoring Team aiawh chuan ODF-a inpuanna hi a enfiah \an.

MRB dinchamphaphak pualin damdawi In tlawh

Nimin Sept. 27, 2017 kha Mizoram Rural Bank din champhaphak vawi 34-na niin, Ser-chhip-a Mizoram Rural Bank Branch ten he ni pual thilpek Serchhip Damdawi In a awm te hnenah an pe.

World Tourism Day puala inkhawm neih ah Tourism tih hmasawnna turin thawhhona tur ziah a ni

Khawvel hmundangte rualin nimin khan Aizawl-ah Chief Minister, Lal Thanhawla hovin 'World Tourism Day' hman a ni a, Chief Minister hianBerawtlang Tourist Complex-a  Convention Centre chu hawng nghalin Central YMA leh Tourism Department chuan nasa zawka Mizorama tourism tihhmasawn a nih theih nan thawhhona thuthlung an ziak bawk.

DAY-NULM Skill Training inhrilhfiahna neih a ni

Nimin khan Thenzawl-ah DAY-NULM hnuaia Employment through Skill Training & Placement Component hnuaia puan\hui (tailoring) zir tura thlante tan an thil zir tur leh an thil tumte inhrilhfiahna hun Sensitization & Counselling buatsaih a ni.

Serchhip District Education Committee \hutkhawm nei

SSA Mission Serchhip District thuneitu sang, District Education Committee (DEC) chu nimin khan an Chairman, Sangchhin Chinzah District Bawrhsap ni bawk hovin a Office Chamber-ah an \hukhawm a. Kum 2017-2018 atana Project Approval Board (PAB) in sum hman tura a ruahman a\anga 3rd Installment atana sum an dawn cheng nuai 15.956 hmanga hmalak dan tur sawiho a ni.

Tun thla ni 15 a\anga Parking Fee khawn thlirletna nei

Serchhip District Traffic Management Committee chu nimin khan an Chairman Serchhip District Bawrhsap Sangchhin Chinzah hovin a Office Chamber-ah an \hukhawm a, tun thla ni 15 a\anga Serchhip khawpui chhunga Parking Fee khawn tak a\anga thil thleng hrang hrangte an thlirlet.

Vaihlo nghai tumte pan turin Mizoram-ah Tabacco Cessation Clinic 10 hawn a ni tawh

Nimin khan Falkawn-a Referral Hospital-ah Vaihlo zuk leh hmuam nghei tum enkawlna tur, Tobacco Cessation Clinic chu Indian Society on Tobacco and Health, Mizoram Chapter President, Lal Riliani chuan a hawng.

Science-a zirlaite an tui nen leh hma an sawnna atan District Level Children Science Congress neih a ni

Image
Zirlai ten Science thiamna lama hma an sawn theihna tur leh Science lama an tui theihna tura buatsaih\hin, Serchhip District Level Children Science Congress chu nimin khan Serchhip-ah neih a ni a, he hun hi District Information & Public Relations Officer, K. Saitluanga chuan khuallian niin a hmanpui a ni.

Aizawl-ah ZPM Office thar hawn a ni

Zoram Peoples’ Movement (ZPM) chuan nimin khan Aizawl Tresury Square-a MPC Office building Group Floor-ah an Office thar an hawng a, Rev. Dr. K. Thanzauva’n Office thar Pathian hnena hlanna a nei a ni.

KS. Thanga’n Office luah \an

Mizoram sorkar-a Minister of State atana tunhnaia lakluh thar, KS. Thanga chuan nimin khan New Secretariat, Khatla-a a Office thar tur a luahlut a, Pathian hnena Office thar hlanna hun hman a ni.

Lengpui Airport-ah Medical Facilities sawihona nei

Lengpui Airport-a Medical Services awm mek tih changtlun dan tur chungchang chu tunhnai khan Health Commissioner, Lalrinliana Fanai hovin sawiho a ni.

Mizoram-ah ‘World Day of the Deaf’ hman a ni; Mizoram-ah Beng thalo hmuhchhuah an tam

Nimin khan Health Minister, Lal Thanzara hovin ‘World Day of the Deaf’ pualin hun hman a ni a, sorkar kum kal mek kum 2017-2018 ah kumin August thla thleng khan Mizoram-ah damlo 11,696 te enfiahna a\angin Beng \halo hmuhchhuah 7013 an awm a ni.

UPC (NEI) Missionary Day hmang

United Penticostal Church (UPC) NEI chuan nimin khan Missionary Day hmangin Kohhran hrang hrangah he Ni pual hian hun hman a ni a. Serchhip Pastor Bial-a Kohhran hrang hrangte chuan anmahni remchan dan anga hun hmangin nileng-a inkhawm neia ruai siam te an awm laiin chhun lama hnatlang neia zan lama inkhawm nei te pawh an awm a. Serchhip Dinthar Bial te chuan Bial huapa hun hmangin ruai an buat-saih bawk a ni.

K|P ten thisen Unit 11 pe

Serchhip Field Veng Branch Kristian |halai Pawl (K|P) te chuan nimin khan JN Hospital Serchhip-a damlo a mamawh apiangte hman turin thisen an pe.

PRRS avanga Serchhip District chhunga Vawk chan te hnenah sorkar a\anga ralna sum semchhuah a ni

Kum 2016 chhunga Porcine Reproductive and Respiratory Syndrome (PRRS) vanga Serchhip District chhunga Vawk chan chhungkaw 107 te tana Mizoram sorkarin a ralna sum a ruahman chu nimin khan a dawngtu turte hnenah semchhuah a ni.

Catholic Naupang khawmpui

Catholic Kohhran Sunday School Nau-pang Inkhawmpui vawi 2-na chu nimin Pathianni hmang khan Assumption Church Serchhip-ah neih a ni.

Serchhip-a High Mast hmang \an ta

Serchhip-IV Village Council hmalakna a Ser-chhip Bazar, damdawi In bula High Mast dah chu Inrinni zan khan mipuite tan hman \angkai \an a ni.

Chief Minister, Lal Thanhawla’n Thenzawl-a Sorkar hmalakna kalmek a hmunah a tlawh

Chief Minister, Lal Thanhawla chuan Inrinni khan Thenzawl tlawhin Central Agriculture University hnuaia College of  Horticulture and Forestry Complex sak mek tlawhin 18 hole Golf Course hnathawh mek a tlawh bawk a, College of Horticulture and Forestry sak mekah hian nakum March 1-ah Class \an hman tum a ni.

DoNER Minister in hmanpui

Ni thum chhung awh Sustainable Mountain Summit Vawi ruk 6- na, Mizoram University Auditorium-a neih chu niminpiah tlai khan Do-NER Minister Dr. Jitendra Singh chuan telpuiin India ram state zawng zawng ah hmasawnna intluktlang a awm theih nan DoNER Ministry chuan ngawrh taka hna a thawh zel tur thu a sawi.

Trading Regulation kalpui ve harsa lo turah ngai

Arunachal Pradesh in Trading Regulation an kalpui dan zirchiangtu te chuan Arunachal Pradesh-a Trading Regulation ang chu Mizoram-ah pawh hman harsa lo turah an ngai tih an sawi.

Bungtlang khua ah Swachhata-Hi Sewa hmangin Chhungkaw tin ten bawlhhlawh bawm sem an ni

Image
Serchhip-a PHE Department buatsaihin nimin khan Bungtlang-ah National Wide Sanitation Campaign, Swachhata-Hi Sewa hman a ni a, he hunah hian Bungtlang khua a chhungkaw tin te hnenah Bawlhhlawh bawm sem niin Bawlhhlawh paihna hmun siamna tur cheng nuai 10 chu Village Water & Sanitation Committee te kutah hlan a ni bawk.

Khawlai-a bawlhhlawh paih ten pawisa chawi dawn

UD&PA Minister, Zodintluanga chuan India rama a vawikhatna atan Aizawl khawpui hmun hrang hrangah bawlhhlawh khawlai a paih ten pawisa chawi zel tawh tura ruahmanna siam anih thu a sawi.

HPC (D) nena inbiakna zofel

Mizoram sorkar leh Hmar People’s Convention (Democratic) te remna zawnga inbiakna ni 2 awh chu nimin khan tluang taka zawhfel a ni a, inbiakna hi Aizawl-a State Guest House ah neih niin, Mizoram sorkar aiawha tel Home Department Addl. Secretary, Lalbiakzama chuan inremna siam tura tih tur hrang hrangte duangin, Sinlung Hill Council din tur hnathawh dan tur leh thuneihna a neih chin tur te sawiho tih a sawi a. HPC (D) te’n sorkar hnena an ralthuam an hlan dan turte leh hel 60 te tuamhlawm dan turte sawiho a ni bawk. Ruahman ang chuan inbiakna neih leh tur chu Political Level-ah neih tawh tum a ni ang.

Ramchhunga khaw 50,000 rethei awmlohna ah puan tum

Sorkar laipui chuan kum 2020 ah khaw thlan-chhuah bik 50,000 te chu mi rethei awm tawh lohna a puang turin hma ala mek a, hemi atan hian Mizoram-a khaw 183 thlan tel a ni.

MoS thar atan Vanlalawmpuii Chawngthu lakluh leh a ni

Mizoram Larsap, Lt. Gen. Nirbhay Sharma chuan nimin tlai khan Hrangturzo bialtu MLA, Vanlalawmpuii Chawngthu chu Minister of State ni turin rinawmna thu tiam tirin a lalut.

DoNER Minister hovin Aizawl-ah Water, Sanitation and Hygiene (WASH) Workshop neih a ni

Union Minister of State for Development of North Eastern Region (DoNER) Minister Dr. Jitendra Singh hovin nimin khan New Secretariat Conference Hall-ah Water, Sanitation and Hygiene (WASH) Workshop neih a ni.

Mizoram-ah HIV+ hmuhchhuah belh zel an ni

Mizoram State AIDS Control Society (MSACS) Project Director, Dr. Lalmalsawmi Sailo chuan nimin khan MSACS Conference Room-ah chanchinthar lakhawmtute kawmin, Mizoram-ah HIV+ hmuhchhuah belh zel an nih thu a sawi a. Heng hmuhchhuah zingah hian 52% chu kawplai nei an ni, a ti.

World Alzheimer Day pualin Aizawl-ah Memory Walk nei

India ram puma Alzheimer natna leh a anpui natna dangte ngaihventu pawl, Alzheimer and Related Disorders Society of India (ARDSI) Mizoram Chapter buatsaihin nimin zing khan Aizawl-ah “Memory Walk” neih a ni a, Health Minister, Lal Thanzara chuan a hmanpui a ni.

Sustainable Mountain Development Summit nei \an

Tlangram hmasawnna ngelnghet atana tihtur leh hmalakna kalpui dan tur chungchanga inrawnkhawm, Sustainable Mountain Development Summit vawi 6-na chu niminpiah tlai khan Mizoram University-ah Chief Minister, Lal Thanhawla chuan a hawng.

Govt. Higher Secondary School Serchhip-a zirlai ten NSS Foundation Day pualin hun an hmang

Govt. Higher Secondary School National Service Scheme (NSS) Unit te chuan nimin khan 'NSS Foundation Day' pualin hun an hmang a, he hun hi an School Principal, Laltinkhumi Hnamte chuan khuallian niin a hmanpui a ni.

State Steering Committee for NERS \hutkhawm neih a ni

Nimin khan State Steering Committee for National Emergency Response System chu DGP, Thianghlima hovin a Office-ah an \hukhawm.

HPC (D) nen inbiakna nei leh

Remna kawng zawnga Mizoram sorkar leh HPC (D) hruaitute inbiakna chu nimin khan Aizawl-a State Guest House Conference Hall-ah boruak \ha tak hnuaiah chhunzawm a ni.

PWD hotu ten kawng chhia an sawiho

Nimin khan Mizoram PWD hotute leh kawng enkawltu Divisional Officers zawng zawngte chuan Principal Secretary, PWD kaihhruaina in Engineer-In-Chief, Conference Hall ah Road Maintenance chungchangah meeting an nei.

Serchhip District Disaster Plan leh Departmental Disaster Plan te enfiahin ‘Disaster Audit’ neih a ni

Nimin khan Serchhip District Disaster Plan leh Departmental Disaster Plan te endikna hun, DisasterAudit chu Serchhip-ah neih a ni a, he hun hi State Disaster Audit Team ten rawn hmanpuiin Chhiatrupna lo thleng palh thei laka inbuatsaih ruahmanna, Disaster Plan \ha zawk neih dan tur sawihona neih nghal a ni.

Phallohna hmuna meizu man

Serchhip District Anti-Tobacco Squad leh Serchhip Traffic Police te chuan niminpiah khan Serchhip khawpui chhung hmun \henkhat ah Squad Drive neiin Dan in Meizuk a phallohna hmuna Meizu mi pahnih an man a, heng mite hi lirthei chhunga Meizu te niin Dan in a phut angin pawisa chawitir an ni.

Thenzawl-ah Education Campaign neih leh a ni

Serchhip Sub-Hqrs. YMA-a Education & Youth Affairs Committee leh Govt. Serchhip College-a Rashtriya Uchchatar Shiksha Abhiyan (RUSA) bultumin nimin khan Thenzawl Joint YMA Hall-ah Education Campaign neih leh a ni.

MPF OB te \hukhawm

Mizoram People Forum (MPF) Serchhip District Office Bearer (OB) te chu niminpiah tlai khan Serchhip Sub-Hqrs. YMA Office-ah \hukhawmin Serchhip khawpui chhunga Local Forum din dan tur chungchang an sawiho hnuah Local Forum din dan tur ruahmanna an siam a, hei bakah hian MPF General Hqrs. berawn chungin November thla chhungin Political Education Campaign nei tura ruahmanna an siam bakah MPF Annual General Body Meeting vawi 11-na neih tura kal dan tur chungchang an sawiho bawk.

Mizoram sorkar-a Minister of State atan Aizawl South-III bialtu MLA, KS. Thanga lakluh a ni

Nimin tlai dar 3:00 khan Mizoram sorkar-a Minister of State (MoS) atan Aizawl South-III bial a\anga MLA-a thlantlin, KS. Thanga chu Mizoram Larsap chuan rinawmna thu tiam tirin lakluhna a nei.

BLO te tan training buatsaih

Election Commission of India (ECI) in rua-hmanna a siam angin Special Summary Revision of Electoral Roll, 2018 chu neih mek niin hemi pual hian nimin khan Serchhip District-a Booth Level Officer (BLO) te tan Serchhip DC Conference Hall-ah training buatsaih a ni a.

MNF party huaihawtin Mizoram hmun hrang hrangah Martar Day urhsun takin hman a ni

MNF Party chuan nimin, Sept. 20, 2017 khan Mizoram hmun hrang hrangah Ram leh hnam tana nunna hlantute hriatrengna Ni, Martar Day an hmang a, Serchhip-ah pawh MNF East Block, Serchhip huaihawtin Martar Day hi hman a ni a. MNF General Hqrs. hruaitute pawhin hmun hrang hrangah an hmanpui a ni.

Home insurance chungchang sawihona nei

Nimin khan UD&PA Minister, Zodintluanga kaihhruaina hnuaiah UD&PA Department, Disaster Management & Rehabilitation Department leh Mizorama Insurance Company te chuan Home Insurance chungchangah inkawmhona an nei a. Mipuiten an neih zawng zawng leh loan te puk belha chenna In an sak te lirnghing, leimin, kangmei leh chhiatna chi hrang hrang vanga an chan \hin chu sorkarin pawi a tih avangin he meeting-ah hian Home Insurance mipuiten an neih vek theih dan tur  ngaihtuah a ni a. Meeting-ah hian mipuiten awlsam zawka an chenna In leh bungrua te khuarel chhiatna chi hrang hrang laka an insure theih dan tur ngaihtuah niin Home Insurance neih theih dan leh Insurance Company hrang hrang rate leh kalphung mipuite inhrilhhriata kalpui dan turte he hunah hian sawiho a ni a. He hun hi DM&R Minister, C. Ngunlianchunga pawhin a telpui a ni.

Aizawl-ah ‘No Tobacco Rally’ neih a ni

Indian Society on Tobacco & Health Mizoram Chapter, Mizoram State Tobacco Control Society leh TATA Trust hnuaia Center for Microfinance and Livelihoods te \angkawp buatsaihin nimin zing khan Aizawl-ah No Tobacco Rally neih a ni.

Hualtu khua ah Education Awareness Campaign nei

Hualtu Village Council leh zirtirtute huaihawtin niminpiah khan Hualtu khua ah Education Awareness Campaign neih a ni a, he hun hi District Education Officer, Lawmawma chuan khuallian niin a hmanpui a ni.

Chief Minister in Irrigation & Water Resources Department (I&WRD) Office Building thar a hawng

Chief Minister, Lal Thanhawla chuan nimin khan Aizawl New Secretariat Complex-ah Irrigation & Water Resources Department (I&WRD) Office Building thar a hawng.

Sorkar in Pisa chawlh atan ni thum puan belh leh

Mizoram sorkar chuan nakum, 2018-a Mizoram sorkar Pisa chawlh atana a telh loh ni 3 te chu sorkar Pisa chawlh ni turin a telh thar leh.

PRRS vanga Vawk thi te ral

Nimin khan Lunglei-ah AH&Vety Department chuan PRRS vanga Vawk thi te ralna hun an buatsaih a, PRRS vanga vawk thi te ralna atan hian sorkar chuan cheng nuai 30 a ruahman a ni.

MSU in Kuhvarah ah hmalak tum

Mizo Students’ Union (MSU) Gen. Hqrs. chuan nimin khan Extended Office Bearer Meeting neiin Myanmar (Burma) a\anga Mizoram kal-tlanga Kuhvarah sumdawnna khawih hnamdang te’n an bungrua an kalpui danah thil fello tam tak a in phumru nia an hriat thu an sawi a. He thil hi a \ul ang a enfiah a, sorkara hnena thlen tum a nih thu sawiin, hei vang hian Kuhvarah sum-dawnna khawih hnamdangte leh Mizo, Hnamdang thurualpuite chu September ni 26, 2017 ralhma a MSU Office-a in report vek turin an hriattir nghal a. In report duhlo leh diklo taka sumdawng luite chu an chungah engpawh thleng se MSU chuan mawh a phur loh tur thu an sawi.

UNICEF hmalakna a naupang Awmna leh Kaw\halo pumpelhna tura Action Plan siam dan tur sawiho a ni

UNICEF hmalakna hnuaia naupang awmna (Pneumonia) leh kaw\halo (Diarrhoea) tam lutuk pumpelhna tura Serchhip District-a ruahmanna, Action Plan siam dan tur nimin khan District Bawrhap hovin Health Department leh Department pawimawh sawm bik ten an sawiho.

Block Congress \hukhawm

Serchhip Block Congress Committee chuan nimin khan Lalpuithanga Hall-ah Committee neiin nakum a MLA inthlanpui neih tur atana inbuatsaihna tur hrang hrang an sawiho.

MUP ten kawng kam thianfai

Mizoram Upa Pawl (MUP) Serchhip Kawn Veng Unit te chuan thla thar ni 1-a khawvel puma Upa te Ni lo thleng tur leh Mizoram sorkar in khawpui fai thlanna a neih mek denchhenin nimin khan Serchhip Venglai-a Town Hall peng leh PWD SDO Quarters inkar National Highway kawngpui kam tihfai hna an thawk a, he hnatlang ah hian MUP member mi 50 dawn thawk-chhuakin kawngpui sir-a lungrem te an tihfai bakah kawngba te pawh an samfai bawk a. MUP Kawn Veng Unit hruaitute chuan tunhma lam a\angin Upa Pawl te chuan faina kawngah an theih tawpa hma an lo lak ve tawh \hin thu sawiin, tifaitu ni theilo te pawh a tihnawktu ni lo hram se an duh thu an sawi bawk.

PRISM in Lal Thanzara man turah an ngai

PRISM chuan Cabinet Minister, Lal Thanzara chu Pawl phuahchawp hnena Dan kalha a MLA LAD Fund Rs. 21,40,000 pe a diklo taka a party mite duhsak nana mipui sum a hman avangin man turah an ngai tih an sawi.

Tuihna humhalh leh a awmsa tihpun kawngah Central YMA leh PHE Deptt. in thawhdunna an ziak leh

Mizoram sorkar-a PHE Department leh Central YMA te chuan tuihna humhalh leh a awmsa tihpun kawnga thawhdunna an lo siam tawh chu kum li (4) dang atan an chhunzawm leh a. He thawhdunna hnuaiah hian Mizoram a Group YMA leh Branch YMA hrang hrang ten tuihna humhalh leh a awmsa tih pun kawngah kumtin inelna an nei \hin a ni.

Serchhip-a Sports Stadium sak mek panna kawng chhiat vangin hna zawhfel hun tur hriat theih ala ni lo

Image
 Serchhip Hmar Veng-a Football Stadium sak mek chu kumin June thla vela a panna kawng a chhiat hnuah hna thawh chhunzawm hleihtheih lohin a awm mek a, hei vang hian Stadium peih hun tur pawh hriat theih ala ni lo a. Stadium sak hna thawktute chuan hna an zawh hun tur pawh an sawilawk theilo tih an sawi.

Mirethei te hnen thleng phak Insurance Policy

Consumer i harh ang u – XVII
Mirethei te hnen thleng phak Insurance Policy

Archaeological Survey of India (ASI) Aizawl Circle Office thar Aizawl-ah hawn a ni ta

Archaeological Survey of India (ASI) Aizawl Circle chu Inrinni khan Aizawl Tuikhuah-tlang-ah Mizoram tlawha rawn zin, Union Minister of State for Culture Dr. Mahesh Sharma chuan a hawng.

Horticulture Department Officer te hleih nei ah puh

Mizoram Nursery Owners Association (MNOA) chuan thlai \iak supply chungchangah Horticulture Officer \henkhat te chu hleih neia thil ti \hinah an puh.

MUP ten hnatlang nei

Mizoram Upa Pawl (MUP) Serchhip Veng-chung Unit te chuan Inrinni kalta khan hnatlang neiin JN Hospital Serchhip Complex an thianfai a, he hnatlang ah hian MUP member mi 35 zet thawkchhuakin hetianga damdawi In leh a vel te thianfaitu Upa Pawl member te chungah an lawm hle tih District Medical Superintendent, Dr. ZD. Lalmuanawma chuan a sawi.

Khawpui fai inelna atan Ser-chhip inbuatsaihna a ngawrh

Urban Development & Poverty Alleviation Department buatsaih District Capital hrang hrang te faina kawnga inelna kal mek leh District chhunga Town hrang hrang te inelna kal mekah nasa takin Serchhip a inbuatsaih chho zel a. Inbuat-saihna hian a vawrtawp a thleng chho \an tawh a ni.

Aizawl-ah'Sankalp Parv' hmang

Nimin khan Aizawl-a Lal Thanhawla Auditorium-ah India Independence Day 2017 lawmna kalzel puala buatsaih, Kum 2022 lo thlen hma a, 'India thar' siam tura khua leh tui te inhlan thar leh intiam thar lehna ni, 'Sankalp Parv' chu Mizoram Larsap, Lt. Gen. (Rtd) Nirbhay Sharma leh Mizoram Chief Minister, Lal Than-hawla te uapna hnuaiah hlawhtling taka hman a ni.

Serchhip-ah Parking Fee khawn tan a ni; College Peng-ah Tender chhangtu awmlo thung

Nimin a\ang khan Serchhip khawpui chhunga Parking Area ruahman hrang hrangah Parking Fee khawn a ni ta.

YMA buatsaihin N. Vanlaiphai ah Education Campaign nei

Sub-Hqrs. YMA Serchhip-a Education & Youth Affairs Committee bultumin nimin khan North Vanlaiphai-a Lersia Hall-ah Education Campaign neih a ni a, he hunah hian North Van-laiphai khawchhunga High School leh Higher Secondary School Zirtirtute leh zirlai naupangte an tel a, mithiam ten zirnaa hmasawn dan leh hlawh-tlin dan tur hrang hrang zirtirna an pe a ni.

Electoral Roll Special Revision neih tur atan Serchhip District-ah Draft Electoral Roll tarchhuah a ni

Nakum January ni 1-a kum 18 tling chin te laa Electoral Roll siam\hat hna thawhna tur, Electoral Roll Special Summary Revision neih tur atan nimin khan Draft Roll tarchhuakin Electoral Roll siam\hat hna thawh \an a ni a, nakum January ni 15-ah Final Electoral Roll tarchhuah a ni ang.

Thenzawl-ah Electricity Consumers' Awareness neih a ni

JERC (Manipur & Mizoram) leh Mizoram Power &Electricity Department bultumin niminpiah khan Thenzawl-ah ‘One Day Workshop on Electricity Consumers' Awareness’ chu Joint YMA Hall-ah neih a ni.

Hriangtlang kawng min

Serchhip Sailiamkawn a\anga Hriangtlang khua panna kawng chu tunkar tir lam khan Sa-khisih ngaw-ah leimin in a hnawh bakah kawng chhuat a min tel avangin Motor hmangin Serchhip leh Hriangtlang inkalpawhna kawng chu lirthei tan kaltlang hleihtheihloh in a awm mek a, tun Pathianni kalta hmanga Presbyterian Pastor Bial Naupang Sunday School Inkhawmpui a rawn kal Hriangtlang khua te pawh an haw lawk theihloh phah a. Dawngzawl lam a\anga kawng awm chu siam\hain lirthei \henkhat chu kaltlang theih tura siam a ni. He kawng ping hi siam\hat a nih theih nan Serchhip-III VC te chuan hma an la mek a ni.

Vawiin ah Draft Roll tar dawn

Election Commission of India in ruahmanna a siam angin Electoral Roll Special Summary Revision chu neih a ni leh dawn ta a, Vawiin hian Draft Roll tarchhuakin Revision hi neih \an a ni ang.

Myanmar atanga Mizoram-a Rohingya raltlan rawn luh palh theih chungchang sawihona neih a ni

Myanmar-a Rohingya helpawl leh Myanmar Sorkar Sipai te Myanmar hmar lam Rakhine State-a an intihbuai vanga Rohingya hnam te India ram-a an lo luh chungchang ah nimin khan High Level Security Meeting chu Aizawl Khatla-a 23 Sector Assam Rifle-ah neih a ni.

Lok Sabha MP hovin MSU ten Minister hmu

Mizo Students' Union (MSU) hruaitute leh Mizoram-a Lok Sabha MP, CL. Ruala te chuan nizan hmasa khan Human Resource Development (MHRD) Minister, Prakash Javadekar chu Shastri Bhawan, Delhi-a a Office-ah hmuin tunlaia Mizorama zirna kaihhnawih hrang hrangte an sawipui.

‘Kawng chhe lutuk avanga harsatna tawk mipuite thlavang hauhna Total Bandh’ chu Mizoram-ah neih a ni

Mizoram-a kawngpui chhia avanga mipuite thlavang hauhna atan nimin khan Mizoram pumah MNF party chuan Total Bandh an huaihawt a, Serchhip-ah pawh he Total Bandh hi khauh taka kenkawh niin chawhnu dar 3:00 khan Total Bandh hi tihtawp a ni.

MPC leh ZNP |halai ten CBI chhui tir vek an phut

MPC leh ZNP |halaite chuan Mizoram-a Congress sorkar kan hrawn mek chu an term a zawh hma ngeia kum 1999 a\anga tun thlenga thil diklo lian zawng zawng chhui chhuak vek tura CBI kolut ngei turin an phut.

Sik leh sa inthlak danglam vangin ruahsur hun a rei - Larsap

Mizoram Larsap, Lt. Gen. (Rtd) Nirbhay Sharma chuan Mizoram-ah sik leh sa inthlak dang-lam avangin ruahsur hun chhung a seiin ruahtui pawh a tam tial tial tih a sawi.

Mizoram Road Fund Board (MRFB) Chief Minister kaihhruaiin an thukhawm

Mizoram Road Fund Act 2007( Ammended in 2016) leh Mizoram Road Fund Rules, 2017 tlawhchhan a din, Mizoram Road Fund Board (MRFB) chu nimin khan Chief Minister's Conference Hall-ah a vawikhatna atan Chief Minister, Lal Thanhawla hovin an \hukhawm.

POCSO Dan zirhona nei

Nimin khan Thenzawl-a Govt. Zoram M/S ah naupang kumtlinglo te hursualna laka ven leh humhalhna Dan, Prevention of Children from Sexual Offence (POSCO) Act chungchang zirhona neih a ni a, he hun hi Serchhip a\angin SDPO, Lalnunmawii Varte chuan hmanpuiin zir-laite hnenah he Dan kaihhnawih hrang hrangte a zirtir a ni.

Badge dum belin School kal

Govt. Higher Secondary School Serchhip a Mizo Lecturer sawn, a aiawh tur dah a nih loh avanga lungawilohna lantirin nimin a\ang khan he School-a zirlaite chuan Badge dum belin School an kai.

Vawiin ah Total Bandh nei dawn

MNF Party chuan Mizoram kawngpui chhia avanga mipuite thlavang hauhna atan Vawiin hian Mizoram pumah zing dar 5:00 a\anga tlai dar 5:00 thleng awh turin Total Bandh an huaihawt dawn a, Serchhip-ah pawh Total Bandh hi khauh taka kenkawh a ni ang.

Outdoor Artificial Rock Climbing Wall hawn a ni

Sports & Youth Services Minister, Zodintluanga chuan nimin khan Hawla Indoor Stadium, Republic Vengthlang, Aizawl-ah feet 52 a sang Outdoor Artificial Rock Climbing Wall a hawng.

Serchhip khua chu pawnler-a inthiar awmlohna, Open Defecation Free (ODF) Town-ah puan a ni ta

Serchhip District Sanitation Task Force chu nimin khan an Chairman, Sangchhin Chinzah, DC Serchhip hovin a Office Chamber-ah an \hukhawm a. He hunah hian Bawrhsap chuan Serchhip khawpui chu pawnlera inthiar awm lohna khawpui, Open Defecation Free (ODF) Town-ah a puang a ni.

Serchhip-ah pawh Total Bandh neih a ni dawn

MNF Party in naktuk zing dar 5:00 a\anga mipuite thlvang hauhna atana Mizoram puma Total Bandh an huaihawt tur chu MNF East Block Serchhip chuan Serchhip-ah pawh kalpui a ni dawn tih an sawi a. He Total Bandh neih tur atan hian mipui thlawpna leh \awiawmna ngenin, Total Bandh avanga harsatna awm thei ah mipuite hriatthiamna an ngen bawk.

Tuichang lei a him tih sawi

Tunhnai ruahsur nasa avanga Kei\um to Ar-\ahkawn Road, Kei\um leh Khawlailung inkara Tuichang Lei innghahna (foundation) tlahniam anga sawi awm chu a Lei innghahna tlahniam lovin Lei kaina (approach) zawk a tlak hniam deuh thu leh tunah hian Lei chu ala him thu PWD hotute chuan an sawi a.

Zirtirtu la dahloh vangin zirlaite an lungawilo

MZP Hqrs. Serchhip chuan Govt. Higher Secondary School Serchhip-a Mizo Zirtirtu sawn a nih chungchang ah August 10, 2017-a thuchhuah an siam hnuah Sept. 12, 2017 thlenga a aiawh tur dah ala ni lo chu hriatthiam harsa an tih thu thuchhuah siamin an tarlang a. He School-a zirlai leh MZP hruaitute \hukhawm in an rel angin an lungawilohna lantirna atan Vawiin, Nilaini a\anga tunkar Zirtawpni thleng Badge dum bela School kai nise, hemi chhunga zirtirtu dah a nih loh chuan nasa zawka hmalak nise an ti bawk. MZP Hqrs. Serchhip chuan Zirtirtu lak reng rengah a theih hram chuan a District khaw mi leh sa ngei lak \hin nise, hei hian transfer leh posting chungchanga harsatna tam tak chu a tihkian an rin thu an sawi bawk.

Serchhip District-ah Zirtirtu la training lo 463 an awm

Serchhip District chhunga Elementary School hrang hrangah Zirtirtu 1069 awmin heng zinga 463 te hi la traning lo an ni a, heng mite hian April 31, 2019-ah chuan training an neih a ngai dawn a ni.

MZU-a Vice Chancellor nghet awmloh vang harsatna chungchang Larsap in zirlaite a sawipui

Mizoram Larsap, Lt. Gen. (Rtd) Nirbhay Sharma chuan Mizoram University-a Vice Chancellor nghet awm loh avanga zirlaite harsatna chu a hriatthiampui thu sawiin, hemi chungchang hi sorkar laipui-ah pawh vawi engemaw zat alo thlen tawh thu a sawi.

MNF in Kawng chhe lutuk avanga mipuite thlavang hauhin naktuk-ah Total Bandh huaihawt dawn

MNF chuan kawng chhe lutuk avanga harsatna tawk mipuite thlavang hauhna Total Bandh chu tun thla ni 14, naktuk khian Mizoram pumah an nei dawn tih sawiin, Zoram mipui zawng zawngte \awiawmna an ngen a. Hetihlai hian ZNP chuan MNF chu kawng chhia avanga Total Bandh siam tura an inhmeh loh thu an sawi thung.

Bank of India kum 112 tlin lawmna neih a ni

Bank of India chuan nimin khan an Aizawl-a The Grand Hotel-ah an kum 112 tlinna an lawm a, hemi rual hian Loan Sanction Day hmang nghalin beneficiary-te hnenah loan sanctioned letter an pechhuak nghal.

PRISM in Total Bandh neih \ha an ti lo

PRISM chuan kan economy dinhmun a\anga thlirin sorkar leh mipui hnathawk thei lova siam \hinna ‘Total Bandh’ buatsaih chu ram leh mipui tana hlohna maiah an ngai tih sawiin, \ha an ti lo tih an sawi.

NLUP hmalak zel dan tur sawiho

 NLUP Implementing Board chu nimin khan Aizawl-a NIB Conference Hall-ah \hukhawmin NLUP hnuaia ramngaw humhalh leh tuihna siam kawnga chak lehzuala ke pen dan tur an sawiho.

Mizoram NGO Coordination Committee hruaitu ten Election Commission-a hotute an kawm

Mizoram-a tlawmngai pawl hrang hrang telna- NGO Coordination Committee chuan niminpiah tlai khan Chief Election Commissioner (CEC) leh Election Commission of India -a hotute dangte chuan Joint Meeting an nei.

Dan lova sikret lakluh man

Serchhip-a Legal Metrology Enforcement Staff leh Serchhip District Anti-Tobacco Squad te chuan niminpiah khan Thenzawl-ah dan lova ramdang a\anga Sikret lakluh \hahnem tak an man.

Serchhip District Sports Committee hmalakna in Serchhip-ah thisen pek runpui neih a ni

Mizoram sorkar Sport & Youth Services Department hmalakna a Mizoram District hrang hranga thisen pek runpui neih mekah nimin khan Serchhip-ah pawh Serchhip District Sport Committee huaihawtin JN Hospital Serchhip Blood Bank-ah thisen pek runpui neih a ni.

Minister hlui Zakhu Hlychho boral

Kum 75 a upa Mizoram sorkar-a Minister hlui, Zakhu Hlychho chu nimin chawhnu dar 1:30 khan Stroke avangin Aizawl Civil Hospital ICU-ah a boral a, a ruang hi Siaha-ah lak niin Vawiin ah vuiliam a ni ang.

MNF in CBI kohluh dilna sut nia sawiin, Chief Minister-ah ngenna an thlen leh

MNF Party chuan Mizoram-a Congress sorkar in CBI kohluh dilna a sut nia sawiin, nimin khan Chief Minister chu a Office-ah hmuin Lottery sum chingpen chungchang leh Zo-Carbon-a sum diklo taka eirukna chungchangah lehkha an thehlut nawn leh.

NGO ten Citizenship Amendment Bill chungchang thlen

Mizoram-a tlawmngai pawl hrang hrangte telna, NGO Coordination Committee chuan niminpiah khan Mizoram All Political party leh NGO Coordination Committee hminga Citizenship Amendment Bill 2016 chungchang duhlohna Memorandum chu Joint Secretary, Committee on Citizenship Amendment Bill 2016 leh Joint Secretary, Lok Sabha Secretariat, Kalpana Sharma-i hnenah an thehlut.

CM hovin District Council hotute an \hukhawm

Chief Minister, Lal Thanhawla chuan nimin khan sorkar mi pawimawh te leh Autonomous District Council pathum- Lai Autonomous District Council (LADC), Mara Autonomous District Council (MADC) leh Chakma Autonomous District Council (CADC) hruaitute chu Autonomous District Councils (ADC’s) chung-changah kokhawm in thu pawimawh a sawipui.

Sports & Youth Services hmalakna in Mizoram-ah thisen pek runpui neih tan a ni

Sports & Youth Services Department huaihawtin Sports discipline hrang hrang leh Youth Services leh Mizoram State Sports Council hmangin thisen pek runpui ‘Voluntary Blood Donation Drive’ chu nimin khan neih \an niin naktuk thleng chhunzawm a ni ang.

Gas man bithliah thar a ni

Food, Civil Supplies & Consumer Affairs Department chuan Mizoram-a eirawngbawlna Gas man a bithliah thar.

Serchhip-III ten hnatlang nei

Serchhip-III Village Council chuan nimin khan hnatlang pui neiin Mizoram sorkar in ruahmanna a siam anga khawpui fai thlanna tur atan an huamchhung an tifai.

Mizoram State Commission for Women din thar a ni