Zan lam Curfew Order chhuah leh a ni

Serchhip District chhungah nimin (Dec. 30, 2021) atanga hman tan turin thla hnih huam turin zan lam Curfew Order tihchhuah leh a ni.

Hemi chungchanga Serchhip District Magistrate Kumar Abhishek IAS in thuchhuah siama a tarlan danin Mizoram Sawr-kar thuchhuak bawhzuina atan leh Serchhip District mipuite COVID-19 hrileng laka kan him theihna turin Section 144 of Cr.PC 1973 in thuneihna a pek angin ‘Serchhip District huamchhungah zan dar 9:00 leh zing dar 4:00 inkarah pawn chhuah khap tlat a ni’ tih a tarlang a. He thupek hian Magistrate leh Police duty te; District Level Task Force on COVID-19 member te; Army, BSF, Assam Rifles leh Paramilitary Forces duty te; Hospital-a thawk Doctor, Nurse leh thawktu dang Night & Emergency Duty te; PHE, PWD, P&E, Fire & Emergency Services leh Excise & Narcotics Department leh Jail-a thawk, duty neite; Print & Electronic Media lama thawk te; Village Level Task Force on COVID-19 duty-te; Medical Emergency leh damlohna thil leh chhiat tawh thila Veng danga kal ngai, an Veng VLTF-te lehkha keng te; Essential Commodity phurte leh District Magistrate/Addl. District Magistrate/Sub-Divisional Officer (Sadar & Civil)-in a bika phalna a pek te chu a huam lo ang.

He thupek hi thu leh awm hma chu chhuah a nih (30th Dec., 2021) atanga thla hnih(2) chhung a huam tur niin thupek zawmlo te chu IPC Section 188 hmangin hrem theih an ni ang.