Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

MSEA in Supply Minister chawimawina hlan

/

Mizoram Supply Executive Association (MSEA) chuan Suppy Minister K. Lalrinliana hnenah nimin khan chawimawina thuziak an hlan.

MSEA hruaitute hian nimin khan Supply Minister hi a Pisa-ah hmuin COVID-19 hripui lengin kum 2 lai min tihbuai chhung leh ramri buai vanga Mizoram mamawh lakluhna danchah karah, chatlak awm miah lova Mizoram mipuite ei leh bar, nitin mamawh chawkluhna kawnga theihtawp chhuahtu Supply Minister K. Lalrinliana hmalakna chu chhuanawm an tih thu an sawi a ni.

Mizoram Supply Executive Association (MSEA) chuan hetiang harsatna awm thei sukiang tura dawhkan atang mai ni lo, hmun kilkhawr tak tak atanga Delhi tlang thlenga kalchilh ngaiah te amah ngei a thawhchhuah thin avang leh nitin mamawh lakluhna in a kaihhnawih lirthei enkawltu leh Labour, Official zawng zawng te thiam taka a thawhpui leh an harsatna te a chinfel pui zung zung thin vangte hian Mizoram in ei leh bar, chakkhai lakluh kawngah harsatna kan tawh loh phah a ni, an ti a. Mizoram mipuite tana a thawhrimna leh finna, a remhriatna te hriatpuitu an nih avangin he chawimawina hi an hlan tih an sawi a ni.

Comments

Post a Comment

Popular News (Last 30 Days)