Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

Leilet neitute harsatna enpui

MJA Serchhip District Member te chuan nimin khan Agriculture Department hotute nen tunhnaia ruahsur nasa avanga Mat lui lian in Mat phai-a kuthnathawktute tana harsatna a thlen dan te a hmunah an tlawh.

Nimin-a Mat phai an tlawhna ah hian chhungkaw 6 te Leilet tlawhin harsatna an tawh dan te an enpui bakah Leilet neitute hi kawmin kumdang aiin buh an thar tah dawnlo nia a lan thu Leilet neitute chuan an lo hrilh a ni.

Nimin-a helai hmun tlawhtu Agriculture Department hotute chuan tulian avanga harsatna tawkte chu Directorate lamah an report tur thu sawiin, a tul angin hma an lakpui dawn thu an sawi. Mat phai-ah hian buh la at lo engemaw zat an awm bawk a, heng te hi chuan harsatna hi an tawk ve lemlo nia thudawn a ni.

Comments

Chhiar Hlawhte

Book of the Year hlan