MISA Conference neih a ni

Mizoram Information Service Association (MISA) chuan nimin khan Annual Conference hmangin I&PR Minister Lalruatkima chuan khuallian niin a hmanpui a ni.

I&PR Auditorium, Aizawl-a MISA Annual Conference-ah hian I&PR Minister chuan DIPR chu Department thenkhat anga thawktu tam leh lian ni lo mah se Department pawimawh lehzualna chu hrileng dona kawnga an tangkaina ah hian a lang chiang em em a ni, a ti a. Mipui rin ngam leh rintlak ni tura I&PR Department hmalakna chu fakawm a tih thu a sawi a, hrileng dona kawnga hmatawngtu pawimawh berte zing ami an nih thu sawiin, sawrkar thu-chhuak rintlak mipui hriat a puanchhuahna kawnga mawhphurtu pawimawh tak an nih bakah DIPR chu Sawrkar ruahmanna leh hmachhawp thar mipuite hnena zirtir hmasatu an nih avangin mipui rilru sukthlek dan thui tak an hnathawh chuan a hril thin thu a sawi bawk.

I&PR Minister chuan sawrkar pawhin an hnawthawh a pawimawhzia leh an in pek zia a hriat thu sawiin, “I&PR Department tih chang-tlun a tum mek laiin, COVID-19 hrileng avangin Sawrkarin duhthusam a hmalakna atan sum leh pai ah harsatna a tawk chho ta zel mai si a, kan hun tawn hian Department anga hmachhawp tam tak pawh a ti thuanawp nasa em em a ni,” a ti bawk.

MISA Annual Conference hi an pawl Vice President F. Lalfakzuala chuan kaihruaiin MISA Patron leh I&PR Director Lallianpuii hnen atangin thusawi ngaihthlak a ni a. MISA General Secretary Malsawmsanga chuan report pein MISA Secretary Andrew H. Lalremruata chuan lawmthu sawina hun a hmang a ni.

MIS Cadre Post 48-ah Post 19 hnawh-khah a ni a, member 19 awm mekin MISA Member tlem lai ber a ni a, tun dinhmun-ah hian post hnawhkhah hi 39.5% niin hnawhkhah loh 60.5% lai a awm a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar