NHM hnuaia thawktu ten nawrh an tintuah leh mek

National Health Mission Employees Union Mizoram (NEUM) te chuan an thilphut hrang hrang tih hlawhtlin ngiatin nawrh huaihawt an tintuah mek.

National Health Mission huaia thawk intelkhawmna, National Health Mission Employees Union Mizoram (NEUM) chuan nimin khan thuchhuah siamin an thilphut hrang hrangte an tarlang a, heng zingah hian NHM hnuaia thawkte sawrkarin a nghet-a a lak thuai theihna turin Cabinet Meeting in a rang thei ang berin a ngaihtuah an phut thu te, NHM Contractual Employees ten hun lokal zel turah a hun taka hlawh an lak ve zel theihna turin Mizoram sawrkar Finance Department in Central atanga sum lo kal te Guideline awmsa angin ni 15 chhunga Department-a pekchhuah zat zat an phut thu te, NHM hnuaia thawk ten Medical Reimbursement pangngai an hman ve theih nan sawrkar in rang taka ruahmanna a siam sak an phut thu leh Health Department hnuaia hna lak zawng zawngah NHM hnuaia Contractual Staff-te an lo thawh tawhna leh Rural Posting in weightage a zavai ah a neih an phut thu te sawiin, heng ah te hian December 15, 2021 ralhma ngeia thu lawmawm an hmu lo a nih chuan nawrh bak tih theih neiin an inhre tawh lo tih an sawi bawk.