Thenzawl Forest Division huamchhunga ramsa avanga vanduaina tawk te hnenah nimin khan Ex-Gratia Compensation hlanna neih a ni a, Thenzawl DFO chuan Lo leh huan hal hun liam tawh mahse ramkang ala hlauhawm dawn chauh tih sawiin, mipuite chu fimkhur zui zel turin a chah bawk.
Serchhip District-ah COVID-19 hri kai enkawllai mi 249 an awm mek.
Mizoram State Medicinal Plant Board (SM-PB) leh Ramlai Society for Traditional Medicine (RASTRAM) tangkawp buatsaihin nimin khan Serchhip Press Club-ah ramhmul damdawi hrang hrang leh a tangkaina te inzirtirna neih a ni.
Nimin khan Serchhip-ah Self Help Group (SHG) member te tan Beti Bachao Beti Padhao (BBBP) inhrilhhriatna (Sensitization Training) neih a ni.
India rama TB natna umbo beihpui thlakna atana hmalakna ‘Aashwasan Campaign’ chu Serchhip District-a kalpui turin nimin khan Serchhip-ah a hawnna neih a ni a, he hmalakna hnuaiah hian ni 100 chhungin ngawrh taka hmalak a ni dawn a ni.
Niminpiah khan Mizoram-ah Sample 3833 enfiah leh niin heng atang hian COVID-19 hri kai mi 239 hmuhchhuah an ni a, Sample enfiah atanga za zela 6.24 te chuan hri an kai a, Mizoram-a hri enkawllai pawh mi sang hnih chuang hret chauh an ni tawh a ni.
Nimin khan DM&R changtu Minister Lalchamliana hovin tunhnai kum tlem kalta chhunga Mizoram a chhiatna hrang hrang thleng chhuina – Magisterial Inquiry leh SIT Report hrang hranga hmalak zuina te thlirho a ni.
Kolasib District chhung Pangbalkawn khuaa OM OM Modern Rice Mill chu nimin khan Agriculture Minister C. Lalrinsanga chuan a hawng.
School Education Minister Lalchhandama Ralte chuan naupang ten School an luh tantirh ah Zirlaibu luhchilh nghal ngawt lova chawlhkar hnih vel chu naupangte tih tlangnelna tur programme School-in an siam a tul thu a sawi.
State Bank of India (SBI) chuan Corporate Social Responsibility atangin nimin khan Association for Voluntary Blood Donation (AVBD) General Hqrs. hnenah thisen peknaa hman tur hmanrua leh bungrua chi hrang hrang Rs. 2,51,000/- hù an hlan.