Hnahthial-ah AVBD Branch thar hawn a ni

Nimin khan Hnahthial-ah Association for Voluntary Blood Donation (AVBD) Branch thar hawn a ni.

AVBD Hnahthial Branch hi nimin chawhnu khan Hnahthial DC Conference Hall-ah Hnahthial District Bawrhsap R. Lalremsanga chuan hawngin hruaitu tur pawh insiam nghal a ni a, Bawrhsap chuan Mizote chu tlawmngai tak kan ni tih sawiin, “Thian chhan thih ngam kan ni a, tunhma chuan pasaltha ten sa leh ral hmaah, khawtlang mipui nunau chak lo zawkte an venghim thin a, mahse kha kha kan kalpel tawh a, tunah chuan kan thisen hlu tak hmangin dam lo mi mangang leh harsa zawkte tanpui tura kan inbuatsaih a tul tawh a, chu chu thian chhan thih ngam nen a la dang chuang miah lo,” tiin, midangte tana malsawmna thlentu pawl tangkai tak ni turin Association for Voluntary Blood Donation Hnahthial Branch chu a hawng a ni. He hun hi Aizawl atangin AVBD General Hqrs. hruaitute pawhin an hmanpui a ni.