Mizoram District Jail danga an tih angin Serchhip District Jail-ah pawh Gas leh Thing-tuah heklo zawk, Tuihu chakna (Steam Cooking) hmanga eirawngbawlna chu hman a ni ve ta.
April 17, 2021-a Serchhip Bial Assembly bye-election neih a Vote tla te chhiar turin inbuatsaihna peihfel a ni tawh a, Election Commission of India in ruahmanna a siam angin he inthlanna a Vote tla te hi naktuk, May 2, 2021 zing dar 8:00 atangin Serchhip DC Office-a Vote chhiarna tur hmun atana ruahman ah chhiar a ni dawn a ni.
Nimin khan Serchhip-ah COVID-19 hri kai mi pahnih hmuhchhuah niin hri an kaina chhui mek a ni a, Serchhip District-a hri kai hmuhchhuah chu 294 an tling tawh.
Niminpiah khan Mizoram-ah Sample 2937 enfiah leh niin COVID-19 hri kai mi 140 zet hmuhchhuah leh an ni a, Mizoram-a he hri kai hmuhchhuah tawh pawh mi sang ruk an tling ta a ni.
Mizoram Governor, PS. Sreedharan Pillai chuan nimin khan Health Minister Dr. R. Lalthangliana, MKHC hruaitute, Joint NGO hruaitute leh Ex-Services League aiawh kawmin COVID-19 hrileng thawhnihna dona kawnga Mizoram sawrkar hmalakna hrang hrang leh inpuahchahna te a sawipui.
Health Minister Dr R. Lalthangliana hova nimin-a COVID-19 inkhuahkhirhna kalpui mek chungchang thlirho-a sawrkar mi pawimawh te thukhawm chuan inkhuahkhirhna Dan khauh lehzuala siam an rel.