Mizoram pumah Ration Card 2,86,523 a awm mek a, thla tina Mizoram in buhfai a mamawh chu quintals 97,000 chuang niin Not Entitled for Ration (NER) Card siam turin mi paruk te chuan sawrkar-ah Ration Card an thehlut tawh.
Thenzawl Dragon Fruits Growers & Marketing Society te chuan niminpiah khan Chief Minister Lalduhoma chu a Pisa-ah hmuin an Pawl in Dragon Fruits an chinna hmun panna kawngpui siam sak turin an ngen.
Chief Minister Lalduhoma chuan Senior National Weightlifting Championships neih zawh taka Best Lifter atana thlan Jeremy Lalrinnunga chu nimin khan a chenna In-ah lawmpuina thingpui a inpui.
Prime Minister Narendra Modi chuan Mizo Organic Farmer te sum lakluh a let sarih-a a tih pun avangin a fak.
Sericulture Department-in Mizoram-a Eri Project an kalpui mek chu Central Silk Board (CSB) lama Scientist te leh State Department Official ten tunkar Thawhtanni atang khan Joint Verification neiin an tlawhkual mek a, loneitu ten Project an kalpui dan a hmunah enfiah a ni.
India ram khawpui fai inelna lawmman chu nimin khan semchhuah niin Mizoram atangin Aizawl leh Lunglei te chuan khawpui fai lawmman hi an dawng a ni.
Aizawl Municipal Corporation (AMC) Mayor Lalrinenga Sailo leh a thawhpuite chuan Chief Minister Lalduhoma kawmin AMC Corporators te hian ChiefMinister hi lawmpuina an hlan a. Chief Minister chuan Hualngohmun-a Solid Waste Management Centre leh Luangmual Industrial Growth Centre sak mekte chu uluk taka an vil dawn thu a sawi.