Zirlai naupang a thlawnin Tarmit sem dawn

COVID-19 hri len vanga inkharkhip hnuah naupang Mit hahin Mit tha lo, thil hla hmuh fiah theih lohna a siam tam avangin zirlai naupang khawsak lama harsa deuh tan a thlawna Tarmit pek theih dan ruahman a ni.

Hemi chungchanga Rotary Club of Aizawl hotute atanga thudawn danin, Rotary India Literacy Mission leh Vision Spring chuan sawrkar Sikul leh Aided Sikul-a kal leh Tarmit leina bill let thei lo School naupang kum 5 -18 inkar, Tarmit a thlawna dawng duh ten Eye Prescription an neih chuan a thlawnin Tarmit a pe dawn a. Chumi tur chuan naupang hming, kum leh a sikul kaina leh contact number leh Tarmit Prescription te Decmeber 15, 2021 hmaa thehlut turin a ngen a ni.

Eye prescription hi Aizawl-ah chuan Kulikawn DEIC, Sub-Centre bulah leh Aizawl Civil Hospital Eye Department-ah Opthalmic Assistant te nitin chawhma dar 10:00 atanga chawhnu dar 3:00 inkarah pan theih a ni tih an sawi a. Hei hi Mizoram pum huap niin District tinah sawrkar Hospital-a Opthalmic Assistant te hnenah Mit entirin School naupangte hian Prescription an la thei bawk.

A thlawna Tarmit dawng thei turte hian naupang hming, contact number leh mit doctor lehkhaa an tarmit power mamawh zat chu : Rtn Lalthanpuia (8794446336/thanpuia81@gmail.com) leh Rtn Dr. Eileen Lalrinpuii (9436143503/eileen@rediffmail.com) ah te thehluh theih a ni.