Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Ramri-a kawng laih sawiho

Kolasib District Inter-State Border Management Board thutkhawm vawi khatna chu nimin khan Kolasib DC Dr. H. Lalthlangliana hovin a Pisa-ah neih a ni.

He Meeting hian Mizoram leh Assam inrina a kawng laih mek chu a rang thei ang bera zawh nise tiin heng kawng laih zingah hian a pawimawh zual thlang chhuakin, Fur leh Thal-ah pawh lirthei-a kal theih tura siam nise an ti a. Heng kawng laihna a ram neituten ramri pawimawh zia hriain engmah beisei nei lovin ram venhimna atana kawng laih nan an ram an pe a, ram neitu te hnenah lawmthu sawina lehkha pek vek nise an ti bawk.

Hetianga ramri a kawng laih nan hian Rs. 200,49,000/- chu kawng laitute hnenah pek a ni tawh a, hei bakah hian kawng laih tawhna senso cheng nuai 507.30 chu pek loh awmin, sawrkar ah dil mek a ni a, senso la submit loh tlem a awm bawk. Nimin a thutkhawm ah hian Serlui bialtu MLA Lalrinsanga Ralte leh Tuirial bialtu MLA K. Laldawngliana bakah Home Department Addl. Secretary Vanlalmawia te pawh an tel a ni.

Comments

Popular News (Last 30 Days)