Lenkawl

Finance changtu Chief Minister Zoramthanga chuan nimin-a Assembly thutkhawm ah kum 2021-2022 atana Mizoram sawrkar sum ruahman (budget estimate) cheng vbc. 11,148.89 chu House-ah a pharh a, hemi rual hian 2020-2021 chhunga sawrkar sum indaihlohna phuhrukna tur cheng vbc.2320.79 a pharh nghal bawk.

Hri kai hmuh belh awmlo

Aizawl Municipal Corporation (AMC) inthlanna neih zawh taka Councillors thlantlin mi 19 te chu nimin khan rinawmna thutiam tira lakluh niin AMC Mayor leh Deputy Mayor bakah Executive Councillors mi 4 te pawh lakluh nghal an ni bawk.

MNF Party chuan nimin khan Aizawl-a Mizo Hnam Run-ah Mizo National Day vawi 55-na an hmang a, an Party hruaitu ten thu an sawi a ni.

Serchhip-a Battalion hmunpui nei 8th Assam Rifles leh Mizoram Jounalists' Association (MJA) Serchhip District-te chuan nimin khan Assam Rifles NCO Club-ah inkawmna an nei.

Nimin khan Serchhip District-ah Ralid An-tigen Test hmangin Sample 20 enfiah leh niin CO-VID-19 hri kai hmuh erawh an awmlo thung.

Mizoram sawrkar chuan Serchhip khawpui chhunga Village Council hrang hrang hming-a number awm te chu Veng hming pu turin a thlak ta.

Nimin atang khan Mizoram-ah kum upa leh natna benvawn neite tan COVID-19 hri danna pek beihpui thlakna chu kalpui tan a ni a, he hunah hian kum 60 ching chunglam leh nakum January ni 1-a kum 60 tling turte bakah kum 45 atanga kum 59 inkar, natna ben…

Serchhip-II Village Council leh NGO te chuan an huamchhunga Lawmsangzuali te In sak hna chu an thawhpui mek.

Inter-District Volleyball Championship vawi 17-na chu Vawiin hian Khawzawl-ah khelh tan a ni dawn a, Serchhip District aiawh turte pawhin nimin khan Khawzawl hi an pan a ni.

Serchhip bial-a Assembly bye-election lo awm tura Congress Candidate tur, PC. Laltlansanga chuan Mizoram budget-ah Opposition bial leh Ruling bial tana sum dah hran a awmlo tih sawiin, MNF party mi te pawhin eptu bial nih avanga kan chanvo tur kan chanloh a awm an hriat a rinloh thu a sawi.