Pathianni-ah COVID-19 hri kai 212 hmuh an ni

Pathianni khan Mizoram-ah COVID-19 hri kai mi 212 hmuh belh leh an ni a, hri kai hmuhchhuah hi tlem mah se Sample enfiah 1098 atanga chhut chuan za zela 19.31 zet a tling a ni.

Pathianni khan ZMC a RT-PCR Laboratory leh District hrang hranga TrueNat Laboratory bakah Fluorescent Immunoassay Test hmangin Sample enfiah a awm lo a, Sample enfiah 1098 te hi Rapid Antigen Test hmanga Sample enfiah vek niin Aizawl District-ah hri kai mi 149 hmuh niin Chaltlang-ah hri kai mi 33 zet hmuh an awm a ni. Champhai District-ah pawh hri kai mi 24 hmuh an ni a, Khawzawl District-ah 14, Lunglei District-ah 10, Mamit District-ah 6, Serchhip District-ah 4, Kolasib District-ah 3 leh Lawngtlai District-ah 2 te an ni.

Nimin khan Mizoram-a COVID-19 hri kai te zingah mi 357 enkawl dam an awm belh leh bawk a, heti hian nimin tlai dar 5:00 thleng khan Mizoram-a hri kai hmuhchhuah tawh chu 1,31,897 niin an zinga 1,27,029 te chu enkawl dam an ni tawh a, hri kai hmuhchhuah atanga zaa 96.31 te enkawl dam ni tawhin enkawllai 4389 an la awm a ni. Nizan hmasa khan khan hri kai zingah mi pahnih boralin nimin tlai thleng khan hri kai zingah mi 479 an boral tawh a ni.