Serchhip District-a khawpuia mirethei In sak tanpuina, Pradhan Mantri Awas Yojana-Urban (PMAY-U) tanpuina dawngtu tur lo thlifimtu, District Screening Committee chu nimin khan Serchhip-ah thukhawmin PMAY-U 2nd DPR-a tanpuina dawng tura thlan, chhan engemaw avanga dawng leh theilo turte te chungchang an sawiho.
Serchhip District-a National Highway-54 kawng laih zauh hna thawktu NHIDCL te chu an hnathawhna atan Forest Clearance an neih loh avangin Thenzawl DFO chuan an hna chawlhsan turin May 31, 2022 khan Stay Order a pe tawh.
Nimin tlai thleng khan Serchhip District-ah COVID-19 hri kai enkawllai mi 10 an awm.
Serchhip NGO Coordination Committee ten Serchhip District Hospital sakna atana an rawt, Serchhip Bukpui ram-a Tui leh Eng pekna tur leh kawng laihna tura tul pawimawh te nimin chawhnu khan sawrkar Department aiawh ten a hmunah an thlirho.
.jpeg)
Nikum (2021) khan African Swine Fever (ASF) avangin Serchhip District-a khaw 35-ah Vawk 3899 thiin Vawk 3138 suat a ni a, kumin (2022)-ah khaw pahnih-ah Vawk 39 thi tawhin Vawk 34 suat a ni tawh bawk a, Serchhip leh North Vanlaiphai-a Vawk thi te chu ASF vanga thi an nih leh nihloh finfiah turin an Sample thawn mek a ni.
Tuikum bialtu MLA leh Assembly Deputy Speaker Er. Lalrinawma chuan nimin khan a bial chhung Chhiahtlang khua tlawhin MLA Fund bultuma Chhiahtlang Playground laih zawh tak chu a tlawh a, a bul velah thingtiak a phun nghal bawk.
Niminpiah khan Mizoram-ah Sample 378 enfiah niin heng atang hian COVID-19 hri kai mi 30 hmuhchhuah an ni a, Sample enfiah atanga za zela 7.94 ten hri kaiin Mizoram-a hri kai enkawllai pawh an pung ve leh hret a ni.
Pradhan Mantri Matsya Sampada Yogana (PMMSY) 2020-2021 hnuaia Sangha khawi kawnga hmalakna chu nimin khan Fisheries Minister K. Lalrinliana hovin thlirho a ni.
India rama chhungtinin mahni In-a tui herh haw an hman theih nana Sawrkar laipuiin a duan, Jal Jeevan Mission (JJM) chu Mizoram-ah chhungkaw 83,264 pek tawh niin zaa 63% pek tawh an ni a, nakum Deceber thla-a pek zawh hman vek tum a ni.
Mizoram State Super-Specialty Cancer and Research Centre (MSSSCRC) din tuma ruahmanna kal mek chungchangah Japan atanga lo kal Japan International Cooperation Agency (JICA) Team te chuan nimin khan Health Minister Dr. R. Lalthangliana chu an kawm.