Lenkawl

Mizoram sawrkarin Minister leh Minister tlukpui mimal In cheina atana mipui sum cheng nuai 110 a hmang tawh nia lang chu uchuak taka mipuite sum khawhralna ah an ngaih thu PC Party chuan an sawi.

Kumin January atanga August thla tawp thleng, thla 8 chhung khan Mizoram-ah Dengue natna vei hmuhchhuah 369 an awm a, an zinga pakhatin nunna a chan.

Deputy Conservator of Forest, Chhimtuipui Wildlife Division chuan Ngengpui Wildlife Sanctuary-a cheng ram Sai (wild elephant) chu Sanctuary chhevel khaw hnaihah a chhuak tih hriat a nih thu thuchhuah siama tarlangin, tun dinhmunah Mampui leh Khawmawi khaw chhehvelah a che tla mek niin a tarlang a. Lawngtlai atanga South Bungtlang inkara khaw awmte, a bik takin khualzin leh Lonei mite fimkhur tur leh chhawnchhaih/ti na lo turin a hriattir a. Sai hi an hmu emaw, a awmna chin an hria emaw anih chuan mahni khua theuh a Wildlife Guard-te a rang lama hriattir zel turin a ngen bawk.

Nimin khan Aizawl-a School Education Directorate Conference Hall-ah ‘International Literacy Day’ hman a ni.

Mizoram Sawrkar Transport Department tarlan danin, kumin August thla tawp thleng khan Mizoram chhungah lirthei 3,15,831 register a ni tawh.

Home Minister K. Sapdanga hova sawrkar mi pawimawh te nimin-a thukhawm chuan Hunpui vuakvet-ah halpuah leh halmawi lam chi reng rengte khauh zawka khap nise an ti.

Food Civil Supply & Consumer Affairs Minister B. Lalchhanzova chuan retheite ngaihsaktu party an nihna chu Ration Card an thlanna hmanga lantir an tum thu sawiin, “Ngaihsaktu nei ve loten ZPM rei tak atanga min lo nghahna chhanna tur a ni,” a ti.