Parliament PAC kum 100 tlin lawmna neih a ni

India ram-a rorelna sang Parliament-a Public Accounts Committee chuan kum 100 tlingin Inrinni leh nimin khan a lawmna neih a ni a, Mizoram atang pawhin Assembly Speaker Lalrinliana Sailo leh sawrkar mi pawimawh dangte chu sawm an nih angin an tel a ni.

Inrinni khan Central Parliament Hall, New Delhi-a Parliament of India-a Public Accounts Committee kum 100 tlin lawmna neiin hemi puala Souvenir buatsaih chu India President Ram Nath Kovind chuan a tlangzarh a, Prime Minister Narendra Modi-a, Vice President M. Venkaiah Naidu leh mi pawimawh dang te'n thu an sawi a ni. President Ram Nath Kovind chuan sawrkar sum hman dan entu leh chhui zuitu a nih anga Public Accounts Committee pawimawhzia sawiin, Chairman leh Official kalkhawmte chu mahni hmun theuhah dik leh rinawm taka thawk turin a chah a ni.

He inkhawmah hian Mizoram Legislative Assembly atangin Assembly Speaker Lalrinliana Sailo, PAC Chairman Vanlalhlana MLA, Dr. Vanlalthlana MLA, H. Lalrinawma, Commissioner & Secretary leh Vanlalfamkima Sailo, Committee Officer-te an tel a, Mizoram PAC Chairman Vanlalhlana chu Panel of Chairman-a ruat niin thusawina hun a pek a ni a, sawrkar sum hmandan enzuitu Public Accounts Committee pawimawhzia leh House-a report pek hmanga rawtna hrang hrang siam a nih dan te, chumi kaltlanga project leh programme hrang hrang en zui a nih thin dante a sawi bawk a ni.

Comments

Popular News (Last 30 Days)

LPG man bithliah thar