STP te ngenna thlen bawhzui nghal a ni

Tunhnaia Serchhip damdawi In-a thil thleng chungchang chhui tura Serchhip Thalai Pawl ten Serchhip DC hnena ngenna an siam chu bawhzui mek a ni.

STP ten niminpiah-a Serchhip District Bawrhsap hnena tunhnaia Serchhip damdawi In-a thil thleng chhui tura ngenna an thehluh chungchang ah Serchhip Addl. DC Lalmuansanga Ralte chuan hmalak mek a nih thu LENKAWL a hrilh a, Health Department hotute nen pawh hemi chungchangah hian inbiakna an neih thu a sawi bawk. Health Department hian Inquiry la tur hian nimin khan lehkha an buatsaih tih Aizawl atanga kan thudawnna chuan sawiin, lehkha hi a chhuak hman ta em tih erawh hriat a ni lo thung.

Hetihlai hian Serchhip CMO Dr. Laldawngliana Sailo chuan he thil thleng chungchangah hian Vawiin hian Mizoram Government Doctor Association hruaitute chuan Serchhip hi an rawn tlawh dawn tih sawiin, zanin hian Serchhip-ah an riah tur thu a sawi a. He thil thleng ah hian Inquiry erawh tih ala ni lo tih sawiin, “Minister paw’n Inquiry kan la rawn la ang a tih chuan an rawn ti ngei turah chuan ka ngai,” a ti bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result