Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

CM in MCTA Annual General Conference a hmanpui

Chief Minister Zoramthanga chuan nimin-a Mizoram College Teachers' Association (MCTA) in Annual General Conference 42-na Taxation Department Auditorium-a an hman chu khuallian niin a hmanpui.

MCTA Annual Conference-ah hian Chief Minister chuan ram Economy hmasawnna leh zirna chu kalkawp tlat a nih thu sawiin, hmasawnna ngelnghet nei a, sum thawhchhuah tam zawk awm thei tur chuan mihring thiamna sang zawk, mi hmantlak leh chhawrnahawm tam tak an awm a pawimawh thu a sawi a. Chung atan chuan thangtharte kaihruaitu College zirtirtute chu an pawimawh a ni, a ti a. Hmasawn tur chuan hmathlir tha tak neih pawimawh a tih thu Chief Minister chuan sawiin, a tlachawp a kal ringawt chuan hlawhtling taka mi kaihhruai a theihloh thu a sawi a. Chung bakah chuan mihring hriselna a pawimawh avangin hriselna kawnga hma sawn tlan theih nan zirna In-ah pawh a remchan dan ang zela inhrilhriatna pek thin ni se, a ti bawk.

Sawrkar in zirna tihhmasawn a ngaihpawimawh thu leh College hrang hranga zirna tihchangtlun a nih theih nan theihtawp chhuah ho a tul thu Chief Minister hian a sawi a. College zirtirtute chu mamawh an neihte chu sawrkarah a thlen a, a remchan ang zela hma a lakpui tur thu a sawi bawk.

Comments

Popular News (Last 30 Days)