Home Minister K. Sapdanga chuan Myanmar atanga rawn raltlante tan sumdawn khap a nih thu sawiin, Mizoram-a raltlante Biometric Enrolment neih mek niin February 5, 2026 thleng khan Myanmar raltlan mi 26,381 chhinchhiah an nih tawh thu leh chhinchhiah loh mi 1,974 hmabak an la awm thu a sawi bawk.
Kumtin-a Chapchar Kut hman thin chu March thla Zirtawpni vawi hnihna ah hmang tawh turin ruahmanna siam a ni.
MNF chuan Mizoram Independence Puan kum 60-na, Diamond Jubilee lawmna hun chu nimin khan Aizawl Vanapa Hall-ah an hmang a, MNF President Zoramthanga chuan Mizo Hnam Run-ah ‘Diamond Jubilee lungphun’ a hawng a ni.
Mizo Diaspora Cell chuan UAE-a Zofate dinhmun ngaichang in an bepawp reng tih an sawi.
Nimin khan Chief Minister Lalduhoma hovin District Catalytic Intervention Plan Fund sem niin Mizoram-a District tinte chu an District Plan a taka an kalpuina tur cheng vaibelchhe khat theuh pek an ni.
Commerce & Industries Minister F. Rodingliana chuan nimin khan Assembly Session-ah Luangmual Industrial Growth Centre (IGC) chungchangah thubuai a awm avangin ram inpek (allot) theih a nih rih loh thu House a hrilh.
Home Minister K. Sapdanga chuan kum 2019 atanga 2025 chhungin Myanmar atanga kuhva tawlhruk avangin thubuai 468 ziahluh a ni thu leh mi 292 man an nih thu nimin khan Assembly Session-ah House a hrilh.
Paite Students Welfare Association (Siamsinpawlpi) Hqrs. chuan Sialkal Range Development Council (SRDC) Bill sawihona chungchang ah Opposition-te duhdan anga ngaih theih tura thutlukna a awm ta hlauh leh chumi atana hmalakna a awm chu an nihna ai maha Paite hnam dahsanna leh huphurhna vang nia an hriat thu an sawi.
Mizoram Chief Minister’s Office hnuaia din Mizo Diaspora Cell (MDC) chuan khawvel hmun hrang hranga Mizo chengte inpawhtawn theihna tur leh tanpui an ngaih huna pui turin hma a la mek zel.