Tunhnaia Comptroller and Auditor General of India (CAG) Audit Report Assembly House dawhkan-a pharh chuan Mizoram Youth Commission (MYC)-in Rs. 133,92,000/- zet chu dik lo takin a hmang tih tarlan a ni.
Serchhip District-ah COVID-19 hri kai an la awm belh zel a, Inrinni thleng khan hri kai hmuh tawh chu 12,267 an tling tawh.
Mizoram Governor Hari Babu Kambhampati chuan Inrinni khan zan khat riakin Thenzawl a tlawh.
Inrinni chawhnu dar 3:00 vel khan Serchhip leh Keitum inkar-ah M/s ABCI Infrastructure Pvt. Ltd. Tanker pakhat chu chesualin mi 4 chuang zingah mi 2 an boral a, mi pakhat in hliam a tuar bawk.
Mizoram-ah ni khat-a COVID-19 hri kai hmuhchhuah zat an la tlahniam zel a, Sample enfiah atanga hri kai hmuhchhuah zat erawh ala tlahniam lutuk lo thung a, nimin tlai thleng khan hri kai hmuhchhuah chu 2,17,606 an ni tawh.
Kum 7 kalta chhungin Mizoram-a damlo en mi 1,46,746 zingah Ri hriatna tha lo 17,895 hmuhchhuah a ni.
School Education Minister Lalchhandama Ralte chuan, Academic Session thar, April 2022 hmain zirtirtu indaihlohna sutkianna turin SEDP Teacher lak a ni dawn tih a sawi.
Ex-MNA Multipurpose Cooperative Society Limited ten Saiphal zau, Mamit District-a Bamboo Plantation-a Mau, Rawmi leh Brandisii an chin te chu Inrinni khan Commerce & Industries Minister Dr. R. Lalthangliana chuan a hmunah kalin an hmalakna a enpui.
Mizoram Pradesh Congress Committee (MPCC) President Lalsawta chuan, “Kan mamawh ber chu sawrkar tha a ni,” tiin Chief Minister a nih chuan Minister leh MLA hmingchhia te a ban tur thu a sawi.
Khawzawl District-a Ngaizawl khaw mipui ten an khaw kawng siam chungchanga lungawilohna an lantir hnuah Mizoram sawrkar chuan hnathawktu tur Contractor dang a ruat thar tawh nia thudawn a ni.
March ni 5, 1966-a Jet Fighter hmanga India Sawrkarin Aizawl a bomb hriatreng nana Mizo Zirlai Pawl (MZP) ten kum 2008 atanga he ni puala ‘Zoram Ni’ an hman thin chu kumin ah pawh Inrinni khan hman leh niin he hun hi I&PR Minister Lalruatkima chuan a hmanpui a ni.