Mizoram Pollution Control Board chuan Krismas leh kumthar lawmna ah hman khat daih sarang leh a kaihhnawih te hmang lo turin mipuite an ngen.
Commerce and Industries Minister F. Ro-dingliana chuan MSME Cell ni 100 chhunga neih a nih theih nan hmalak mek a ni, a ti.
Health Minister Lalrinpuii chuan Social Security-a an policy atangin Mitthi ruang phurh sawrkarin a mawh-ah a la dawn tih a sawi.
Higher & Technical Education Minister Dr. Vanlalthlana chuan College Zirtirtute tehfung thar, Faculty Grading System chu Sawrkar thar in kalpui a tum thu a sawi.
Mizoram Legislative Assembly thutkhawm nimin-a neih ah Deputy Speaker atan Kolasib bialtu MLA Lalfamkima chu chuhtu awm lova thlantlin a ni.
Mizoram Legislative Assembly-a Leader of Opposition, Lalchhandama Ralte MLA chuan nimin khan Assembly Secretariat Annexe Building-a a Office thar tur a luahlut a, Lalchhandama Ralte chuan Leader of Opposition dinhmun luah thei khawpa thlawptu MLA a nei tling chu lawmawm a tih thu sawiin, he dinhmun hi a awmna tura Pathian in a ruat a nih ngei a beisei thu leh ram leh mipui tan sawrkar khalh ngil tura theihtawp chhuah a tum thu a sawi bawk.
Mizoram State Legislative Assembly 9-na a Council of Ministers thutkhawm hmasa ber chu niminpiah khan Assembly Recess Room-ah Chief Minister Lalduhoma kaihhruaiin neih a ni.
Chief Minister Lalduhoma'n Mizoram Subordinate Services Selection Board (MSSSB) chu tun-a Exam an Conduct mek an zawh hunah thiah a ni dawn tih sawiin, Zohnahthlak raltlante chhawmdawl kawngah an phak ang tawkin hma an la zel dawn tih a sawi bawk.