Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Police duty lai kutthlaktu a puh te man an ni

Nizan hmasa zanlai vel-a Serchhip Bazar-a Police duty te beitu mi pahnih te chu Serchhip Police ten manin thubuai siam sak an ni.

Thudawn danin Krismas leh kumthar vuakvet-a Serchhip Bazar leh a chhehvel-a Duty tura ruat, Traffic Police te zinga mi pahnih te chuan nizan hmasa dar 12:30 vel khan Curfew Dan zawmlo-a khawlai-a awm mi pakhat chu an haw tir a, hemi hnu hian an chhungte hnaivai nia insawi chuan Serchhip Police te hi an Duty-na ah kal chilh lehin thil awmzia pawh sawi thui a nih hma in kut a thlak zui ta nia thudawn a ni. He thil a thlen hnu hian a bulhnaia mipui thahnem tak pawh an pungkhawm zui a, Police Duty te hian hliam na vaklo an tuar nia thudawn a ni.

He thil thleng chungchangah hian nimin khan Serchhip Police Station-ah thubuai ziahluh nghal a ni a, he thil kaihhnawih ah hian Vanlalrinfela (30), Serchhip Bazar Veng nia insawi leh Vanlalhumhima (24), Dawrpui Vengthar Aizawl, tuna Serchhip Bazar Veng-a khawsa mek nia insawi te chu man an ni a, heng mite hi MLP Act hnuaiah leh Police Duty lai tibuai leh tum thuhmun-a pawikhawihna thubuai te siam sak nghal an ni.

Comments

Popular News (Last 30 Days)