International Day for Biological Diversity chu nimin, May 22, 2022 khan khawvel hmun hrang hrangah hman niin Thenzawl Forest Division pawhin he ni pual hian Thenzawl-a Jawahar Navodaya Vidhyalaya (JNV) te nen hun an hmang a ni.
Serchhip Police te chuan Zirtawpni zan khan Keitum leh Khawlailung inkar Tuichang lui kamah Heroin No. 4 Hawng 6 manin hemi kaihhnawih ah hian mi pahnih pawh man nghal an ni.
Serchhip District-ah COVID-19 dinhmun in ziaawm lam a pan ve rih zel a, nimin tlai thleng khan hri kai enkawllai mi mi 11 an awm a ni.
Serchhip-ah Petrol harsa zelin nimin thleng khan Petrol Pump hrang hrangah Petrol lak tur a awm mumal tawh lo.
Mizoram-ah COVID-19 hri kai enkawllai an tlem ve leh hret hret a, nimin tlai thleng khan Mizoram-ah hri kai enkawllai mi 129 an la awm a ni.
Plastic hman tawh tangkai zawka hman a nih theih nana New Champhai PHE Complex-a Plastic sawngbawlna khawl, Plastic Waste Resource Management Centre din chu PHE Department Secretary Er. Lalmuanzova chuan Zirtawpni khan a hawng.
Khanpui leh Lailak VC leh NGO tangrualte chuan National Green Tribunal-in Chalfilh tlang-a Tourist Lodge thiat tura thupek a chhuah chu a tawp thlenga dodal an tum.
Phaizau khua ten an humhalh Saitlan li/Ngawi dawh li-a phalna nei lova Bomb hmanga Sangha man a puh, Mamit bialtu MLA H. Lalzirliana leh a thawhpui mi 11 zinga palite chu May 20, 2022 khan Court-in thiamloh a chantir a, an chunga hremna lekkawh dan tur chu thla thar June 3-ah puan a ni ang.
Hnahlan leh Champhai-a Grape chingtute chuan Mizoram sawrkarin Wine Rules a neih loh avangin an thilsiam hralhchhuah kawngah harsatna an la tawk reng tih thu an sawiin, MNF sawrkar chu Grape chin bultan tirtu an nih avangin beiseina an neih san thu an sawi.
Mizoram District 9-a Vaimim chinna hmun hectare 490 chuanga zau-ah Vaimim eichhetu Pangang, Fall Army Worm chu kumin hian a puang leh tawh a, ruahtui a tlak leh tan tak avangin Vaimim tharchhuak a tlem phah loh an beisei tih Agriculture Director James Lalsiamliana chuan a sawi.