Pathianni-ah hri kai mi 92 hmuh belh an ni

Pathianni khan Mizoram-ah Sample 1563 enfiah leh niin heng atang hian hri kai mi 92 hmuh an ni a, Sample enfiah atanga za zela 5.89 te chuan hri an kai a ni.

Pathianni khan ZMC-a RT-PCR Laboratory-ah Sample enfiah awm lovin Fluorescent Immunoassay Test hmangin Aizawl ah Sample pakhat enfiah a ni a, hri kai pakhat hmuh niin Aizawl khawpui chhung ami a ni. Pathianni khan Khawzawl leh Lunglei District-a TrueNat Laboraatory atangin Sample 30 enfiah niin hri kai mi pahnih hmuh an ni bawk a, Khawzawl District ami ve ve an ni bawk.

Hei bakah hian Rapid Antigen Test hmangin Hnahthial tih loh District dang zawngah Sample 1532 enfiah a ni bawk a, heng atang hian hri kai mi 89 hmuh an ni a, an zinga 53 te chu Aizawl District-a hri kai hmuh te niin Champhai District-ah 8, Serchhip District-ah 7, Lunglei, Saitual leh Kolasib District-ah 5 theuh, Mamit District-ah 4 leh Lawngtlai District-ah hri kai mi pahnih te hmuh an ni.

Nimin thleng khan Mizoram-ah COVID-19 hri kai 1,36,454 hmuhchhuah ni tawhin nimin khan tlai dar 5:00 thlengin mi 310 te enkawl dam leh niin hri kai enkawl dam chu 1,33,156 an tling tawh a, hri kai atanga chhutin za zela 97.58 enkawl dam ni tawhin hri kai enkawllai 2790 an la awm a, nimin khan hri kai mi pakhat boral lehin hri kai te zingah mi 508 an boral tawh a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar