Hri kai hmuhchhuah 1,38,212 tling tawh

Mizoram-a COVID-19 hri kai hmuhchhuah chu 1,38,212 tling tawhin an zinga 1,34,950 te chu enkawl dam an ni tawh.

Tunhnaiah Mizoram-ah COVID-19 hri kai hmuhchhuah an tlem ve hret hret a, Zirtawpni khan Mizoram-ah Sample 2876 enfiah niin heng atang hian hri kai mi 247 hmuh an ni a, Sample enfiah atanga za zela 8.59 te chuan hri an kai a ni. ZMC-a RT-PCR Laboratory-ah Sample 150 enfiah niin hri kai mi 11 hmuh an ni a, Fluorescent Immunoassay Test hmangin Sample 15 enfiah ni bawkin hri kai mi 3 hmuh an ni a, District 8-a TrueNat Laboratory atangin Sample 88 enfiah niin hri kai mi 11 hmuh an ni bawk. Heng bakah hian Rapid Antigen Test hmanga Sample 2623 enfiah atangin hri kai mi 222 hmuh an ni bawk.

Inrinni khan Mizoram-a Sample enfiah 2708 atangin COVID-19 hri kai mi 260 hmuh an ni bawk a, Sample enfiah zawng zawng atanga chhutin za zela 9.60 te chuan hri an kai a ni. ZMC-a RT-PCR Laboratory-ah Sample 296 enfiah niin hri kai mi 53 hmuh an ni a, Fluorescent Immunoassay Test hmanga Sample enfiah 21 atangin hri kai mi 4 hmuh niin District 6-a TrueNat Laboratory-ah Sample 94 enfiah niin hri kai mi 14 hmuh an ni bawk a, Rapid Antigen Test hmanga Sample enfiah 2297 atangin hri kai mi 189 hmuh an ni bawk.

Mizoram-ah hri kai enkawl dam pung ve zelin Inrinni khan hri kai mi 223 te chu enkawl dam an ni leh a, nimin khan mi 354 te enkawl dam ni leh bawkin heti hian Mizoram-ah hri kai 1,38,212 hmuhchhuah atangin 1,34,950 enkawl dam an ni tawh a, hri kai hmuh tawh atangin zaa 97.64 te enkawl dam an ni tawh a, hri kai enkawllai 2745 an la awm a ni. Nizan thleng khan Mizoram-ah hri kai boral mi 521 an awm tawh a, nimin bikah hri kai boral mi 4 lai awmin Inrinni-ah 2 an awm bawk a ni.