Synod Inkhawmpui zawhfel a ni ta

Mizoram Synod Inkhawmpui vawi 98-na chu nimin khan zawhfel a ni ta.

Kumin a Synod Inkhawmpui hi Aizawl Republic Veng Kohhran Biak In-ah neih niin nimin khan mi 17 te chu Pastor atan nemngheh an ni a, Pro. Pastor atan mi 17 dahngheh an ni bawk a, chawhnu lamah kumin chhunga Minister boral mi 10 sunna hun hmangin Moderator kalchhuak tur Rev. Dr. C. Lalhlirna hnen atangin Valedictory Sermon ngaihthlak a ni bawk. Tun tum Synod Inkhawmpui hi Thawhlehni atang khan neih niin Zirtawpni leh Inrinni khan Palai ten ro an tel a, General Agenda 49 leh SEC, Board leh Committee atanga thu lut te ngaihtuah a ni.

Mizoram Synod hnuaiah hian Presbytery 51 awmin Pastor Bial 321 a awm mek a, Kohhran 1158 awmin Branch Church 96 leh Preaching Station 753 a awm mek a, Kohhran Upa 5663 leh Pem Upa 311 an awm bawk. Kohhran Chhungkua 1,38,050 awmin Member 6,26,983 awmin Dan Zawhkim 4,48,336 an awm mek bawk a ni.

Comments

Popular posts from this blog

Volleyball S/F khel dawn