Tripura atangin Bru chhungkua 218 hruaikir tawh
Tripura Bru Relief camp-a Mizoram khua leh tui awmte Mizorama hruaikir thawh 9-na kal mekah nimin thleng khan chhungkaw 218 chu Mizoram-ah hruai kir an ni tawh.
Governor thar tur lo thleng
Mizoram Governor thar tur, PS. Sreedharan Pillai chuan nimin khan Mizoram rawn thlengin Vawiin-ah Mizoram Governor atan lakluh a ni ang.
Youth Icon Top-50 thlang
LPS Vision buatsaih, LBS Suzuki Youth Icon 2019 neih mekah Elimination Round zofelin Top-50 result puan a ni ta a, Top-50 ah hian mi 73 an tling a, Nov. 6, 7 leh 8 zanah te intihsiakna an nei leh ang. Top-50 a tling zingah hian Ser-chhip District a…
KTP General Conference Pandal sakna tur hmanrua Serchhip rawn thlenpui a ni
Nakum February thla a Serchhip in KTP General Conference vawi 58-na a dawn tur atana Pandal sakna tur Structure chu Serchhip rawn thlenpui tan niin kumthar lamah Pandal sak hna hi thawh tan a ni ang.
Mathematics Teachers Training neih tan a ni
Zoram Entu Pawl (ZEP) hnuaia Quality Education leh Serchhip DIET buatsaih, Serchhip District chhunga Primary School leh Middle School-a Mathematics Teachers tana mi 4 awh tur 'Mathematics Teachers Training' chu nimin khan Serchhip-ah neih tan a ni.
Vawiin ah SHC inthlang dawn
Sinlung Hills Council (SHC) inthlanpui vawi khatna chu Vawiin hian neih a ni dawn ta a, he inthlanna neih tur atan hian inbuatsaihna engkim peihfel a ni tawh.
KMMTTP kawng lai mek a hmunah enfiah a ni
Ministry of Road Transport and Highway a Special Secretary leh Financial Adviser, Shambhu Singh chuan Pathianni khan Lawngtlai tlawhin, Lawngtlai-III a leitlakhniamna lai leh KMMTTP a tlawh.
IAS nih tum sponsor-na tur sum MLA in a hlan
Serlui bialtu MLA leh Mizoram sawrkar-a Rubber & Allied Crops Board-a Vice Chairman ni bawk, Lalrinsanga Ralte chuan nimin khan Buhchangphai khaw mi IAS nih tum, Lalduhawma chu a zirna atan a sponsor-na cheque a hlan.
Training on Investigation of Economic Offence tan a ni
India sawrkar-a Bureau of Police Research & Development (BPR&D), New Delhi bul tuma ni 5 awh tur, Training on Investigation of Economic Offence chu nimin khan Aizawl-a Anti-Corruption Bureau (ACB) Conference Hall-ah ACB Director, Mukesh Kumar Meena, IPS chuan a hawng a. He Training-ah hian subject chi hrang hrang thlan chhuah 12 hmangin mithiam ten, India hmarchhak State hrang hrang leh Mizoram Police atangin mi 23 te hnenah training an pe dawn a ni.
Zirna lamah MLA Fund 10% aia tam hmang tih sawi
Tuirial bialtu MLA, Andrew H. Thangliana chuan Education Minister-in MLA te Fund Education Sector-ah 10% theuh tal dah tura a ngen laiin a aia tam daih a dah thu a sawi.
Naktuk-ah MZP General Hqrs. hruaitu thlang dawn
Mizo Zirlai Pawl (MZP) chuan tunkar Nilaini, Nov. 6, 2019 khian kum hnih chhung atan MZP General Hqrs. hruaitu an thlang dawn a, kum dang aia fimkhur zawka kalpui tum a ni.
Mipui tam zawk rilru ah 'Bank sum puk hi rulh that a ngai' tih hi a in tuh tawh - Cooperation Minister
Cooperation Minister, C. Lalrinsanga chuan nimin khan Aizawl |huampui-ah Mizoram Cooperative Apex Bank (MCAB) Branch 20-na tur a hawng a. Tunah chuan mipui tam zawk rilru ah 'Bank sum puk hi rulh that a ngai' tih hi a in tuh tawh nia sawiin, lawmawm a tih thu a sawi.