Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

YMA General Conference vawi 73-na neih a ni

YMA General Conference vawi 73-na chu niminpiah, Dec. 16, 2021 khan R. Dengthuama Indoor Stadium, Aizawl-ah neih niin Central YMA hruaitu tur thlanna neih a ni.

Kumin hian YMA General Conference hi October thla khan Bilkhawthlir khua ah neih tura ruahman a ni a, amaherawh chu hri leng avanga neih theih a nih tak loh avangin Aizawl-ah hian neih a ni ta zawk a, kumdanga hun hman thin dan ang pawha hmang lovin rorel Palai pawh zaa 50 vela tihtlem a ni a, rorelna leh hruaitu thlanna neiin chawhma lamah an President Vanlalruata kaihhruaiin khawmpui Palai 1484 ten ro an rel a, an thu rel zingah YMA khawih atangin Ruihhlo chungchangah Sawrkar/Kohhran/Pawl dangte sawma inzirtirna nasa zawka kalpui te, Central YMA Building sak mek chhunzawmna atan YMA Member ten Donation thawh leh Zirtirtu mahni Post a awm tha duhlo te an Post-a an awm theih nana hmalak te a tel.

Sawrkar khawih zingah ‘Mizoram ramri hi sawrkar in a rang lama chinfel dan ngaihtuah rawh se’ tih bakah zirna School-ah Mizo Hnam lam zirtir a nih theih nan sawrkar a thlen leh kan ramchhung thei phun uar tura sawrkar nena tangduna hmalak te a tel a. Hei bakah hian kum 2015-a YMA Dan Bun ennawn tawh chu ennawn leh an rel bawk a. Kum 2021-2023 chhunga YMA Kumpuan atan ‘Ram leh Hnam humhalh’ tih chu thlangin kum 2023-a YMA General Conference vawi 74-na chu Manipur Group YMA in Churachanpur-a thleng turin thlan a ni bawk.

Chawhnu lamah kum 2021-2023 chhunga Central YMA hruaitu tur thlanna neiin President-ah R. Lalngheta (Hlimen), Vice President-ah Lalhmachhuana (Chaltlang Lily Veng), General Secretary-ah PRof. Lalnuntluanga (New Capital), Asst. Secretary-ah Prof. Malsawmliana (Vaivakawn), Treasurer-ah Fabian Lalfakawma (Chawlhhmun leh) Fin. Secretary-ah Roneihthanga (Nursery Veng) te thlan an ni.

Kumin-a YMA General Conference-ah hian kum kalta a YMA member boral mi 1834 te sunna hun hman niin kum kalta chhunga YMA Kupuan bawhzui tha Group leh Branch bakah Ramngaw leh Nungcha humhalh leh Tuihna humhalh kawnga hma la tha te hnenah chawimawina leh lawmpuina hlan an ni a, hei bakah hian YMA Chanchinbu la tam Branch te hnenah chawimawina hlan an ni bawk.

Report-a tarlan a nih danin YMA-ah hian Branch 816 awm mekin Sub-Hqrs. YMA 8 leh Group YMA 50 a awm a, Member mipa 2,79,246 leh hmeichhia 1,90,493 an vaiin 4,69,709 an awm mek a, an zinga 11,130 te chu Life Member an ni bawk. Mizoram sawrkar in District thar a siam pathum-ah te kumin khan Sub-Hqrs. YMA hi din vek a ni bawk.

Comments

Popular News (Last 30 Days)