Lenkawl

PHE Department in Serchhip khawpui chawmna atan Tuikum tui an lakna Pipe line chu nimin khan a chhia a, darkar thum chhunga siamthat nghal niin mipuite tan tui sem chungchangah harsatna thleng lo tura beisei a ni.

COVID-19 No Tolerance Drive hman mek ah nimin khan Serchhip District-ah hri leng laka himna Dan siam bawhchhia mi 22 man leh an ni a, an sum chawi tlingkhawm chu Rs. 2200/- a ni. Dan bawhchhia man zinga 21 te chu Police ten an man niin midang pakhat…

Serchhip bialtu MLA, Lalduhoma chu MLA atanga ban a nih tak avangin Serchhip Assembly bial chu a ruak tih nimin khan Assembly Secretariat in hriattirna tichhuakin a tarlang.

Faina ah tan lak zui zel a tul

TIPM in Chief Minister kawm

Niminpiah-a Mizoram-a sample enfiah atangin COVID-19 hri kai mi 12 hmuhchhuah leh an ni a, damdawi In atanga hri kai hmuhchhuah mi pali lai an awm a ni.

ZPM Party chuan MLA atanga ZLP Leader, Lalduhoma paih a ni chu Dan leh Dan inbeihna ni lovin, Politics-a inbeihnaah nia an ngaih thu sawiin, Speaker thutlukna chu Dan hmanga rorelna ni lovin politics-a rorelna dik takah an ngai tih an sawi.

Congress Thalai te chuan nimin khan Mizoram Governor leh Chief Minister hnenah lehkha thehlutin hri leng avanga mipuite harsatna tawh avanga ruahmanna siam turin an ngen.

Mizoram Science Congress 2020 chu nimin khan Chief Minister, Zoramthanga chuan a hawng a, ni 2 awh tur Mizoram Science Congress 2020 hi hri leng avangin Online-a buatsaih a ni.

Serchhip District Magistrate, Kumar Abhi-shek chuan thupek tichhuakin Serchhip District huamchhungah kum 2020 Krismas leh kum 2021 Kumthar vuakvetah Halpuah, halmawi, Sky Lantern leh puakthei thil dang, boruak thalo siam thei leh ri bengchheng siam thei chi reng reng leh Naupang silai lem a mu hmang chi reng reng lakluh, zawrh leh hralh khap tlat a nih thu a tarlang.

Association for Voluntary Blood Donation (AVBD) leh Blood Bank Serchhip ten Krismas puala thisen pekna hun an buatsaih mekah nimin khan Govt. Serchhip College NSS Unit te chuan Serchhip Blood Bank-a dah turin thisen Unit 21 an pe a, thisen petute hi mipa 10 leh hmeichhia 11 an ni.

Serchhip SP chuan thuchhuah siamin Serchhip Chhim Veng, Lalpuithanga Hall kawt-a Side Drain siamthat hna Serchhip-III VC in an thawh mek chu mipui tana thil pawimawh a nih avang leh tha zawk leh chak zawka thawh a nih theihna atan Dan in thuneihna a…

Niminpiah-a Serchhip District-a Sample enfiah atangin COVID-19 hri kai hmuhchhuah thar an awm lova, Serchhip District-a hri kai enkawl mi 9 te chu nimin khan anmahni enkawl hmun atanga chhuahtir an ni thung.

Serchhip bial chhunga Congress Block pahnih, Serchhip East leh Serchhip West Block Congress Committee te chuan nimin khan Serchhip Venglai-a Lalzuiliana te In-ah Joint Meeting neiin Serchhip bialtu MLA, Lalduhoma chu MLA a nihna hlih sak a nih avang…

Nimin December 3, 2020 kha khawvel pumah rualbanlote ni, International Day of Disabled Persons a ni a, Serchhip-ah chuan he Ni pual hian rualbanlote leh anmahni enkawltute chuan an remchan angin hun an hmang a ni.

Serchhip District chhunga North Vanlaiphai Village Council inthlanna neih zawh taka lungawilohna SEC-a thlente ngaihtuah a nih hnuin State Election Commission chuan tun thla ni 10-ah Vote thlak tha turin ruahmanna a siam a, hemi atan hian nimin khan hriattirna pawh tihchhuah a ni.