Inrinni zan Sakawrdai SDPO hmalakna in Darlawn dai-ah foreign kuhva hring phurtu Truck pahnih chu man an ni.
Adiviser to Chief Minister (Political) Lalmuanpuia Punte chuan Myanmar a cheng Zofate nena passport leh visa ngai lova inkalpawh theihna chu sawrkar laipui-in a tihtawp mai a rin loh thu a sawi.
PWD Minister Vanlalhlana chuan Inrinni khan Durtlang North leh Sihphir inkar kawng zauh hna thawh mek chu a hmunah tlawhin a enfiah a. He kawng hi KM 10.25-a thui niin Central Roads and Infrastructure Fund (CRIF) hnuaiah cheng nuai 4657 sengin nikum July 14 atang khan thawh a ni a, thla 30 chhunga zawhfel tura ruahman niin PWD, Aizawl Road North Division thuneihna hnuaiah M/s SLT Infracon Private Limited ten he hna hi an thawk a ni.
Mizoram sawrkar-a Minister hlui KL. Lianchia chu Inrinni zan dar 12:30 khan Aizawl Electric Veng-a an chenna In-ah a boral a, nimin khan vuiliam a ni.
Mizoram-a PM-KISAN kalpui mek hnuaiah sawrkar kum kal mek, nikum April atanga kumin March thla thlengin cheng vbc. 50 vel mipuiten an dawn theihna turin hmalakna chak takin kalpui mek a ni tih Agriculture Department Deputy Director leh PM-KISAN Nodal Officer VL. Hmangaihchhunga chuan a sawi.
Home Minister K.Sapdanga chuan sawrkar hnathawk zingah hrem ngai awm tawh lo se a duh thu a sawi.
Reiek Branch YMA siam ‘Reitlang Lungdawh’ chu Inrinni khan Rajya Sabha MP K. Vanlalvena’n a hawng.
British Army nih tuma inbuatsaih Inspired Agency te buaipuia dilna thehlut mek thalaite chu Inrinni khan Chief Minister Lalduhoma chuan CM Office Conference Hall-ah a kawm.
School Education Minister hlui Lalchhandama Ralte chuan sawrkar hmasa in zirna In thenkhat te dinhmun sang zawka a dah te chungchang ah sawrkar thar in ngaihtuahna dang pu thar lo hram se a duh thu a sawi.
Chief Minister Lalduhoma chuan ruihhlo dona chu sawrkar in tih mai mai a tum lo tih he thila inhnamhnawih thin te leh mi tin ten lo hriat sak tura chahin, tlawmngai pawlte ti chak tura Excise Acts siamrem pawh a tul chho dawn niaa a hriat thu a sawi bawk.