Chief Minister in mi pawimawh te a kawm

/

Chief Minister Zoramthanga chuan nimin khan Northeast Frontier Railway-a General Manager Anshul Gupta leh Official dang te chu kawmin Mizoram-a an hmalakna chungchang thu pawimawh tak tak an sawiho.

He inkawmna Chief Minister Office-a neih ah hian Chief Minister chuan NFR hotute hnenah Bairabi Railway hmunhma a Godown leh FCI Godown kalkawng chhe lutuk chungchang sawipuiin, Railways ho hmunhma a nih anga tha taka enkawl turin a ngen a. Sairang thleng tur Rel kawng siam mek chungchangte sawi ni bawkin Chief Minister chuan, Mizo mipui mamawhna hre reng chungin theihtawp chhuaha hna thawk zel turin a chah a ni.

He hunah hian NFR hmalakna hrang hrang leh an hmachhawp te sawiho niin NFR hotute chuan bungraw chi hrang hrang Bairabi thleng phur a theih dan te an sawi bawk a. Mizoram sawrkarin Lunglei PRS service tinung leh tura a dilna chu tihhlawhtlin thuai a nih tur thu an sawi bawk.

Chief Minister Zoramthanga leh India rama United Nation Development Programme (UNDP) hotute chu nimin khan Chief Minister Pisa-ah hian an inkawm bawk a, he inkawmna ah hian UNDP Deputy Resident Representative Nadia Rasheed-i leh officials dang te telin Mizoram-a UNDP hmalakna leh hmachhawpte an sawiho a. MSME (Micro, Small and Medium Enterprise) leh SDG (Sustainable Development Goals) chungchanga an hmalakna leh State sawrkar nena an thawhdun chungchangte an sawiho a. Sawrkar leh mipui nena thawhhona tha tak an nei thei chu lawmawm an tih thu an sawi bawk. United Nation Development Programme hi United Nations hnuaia pawl pakhat niin, retheihna umbo a, ei leh bara hmasawnna ngelnghet tak leh mihring nunhung tihhmasawn tura hmala tura din a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »