Lenkawl

Rampum Huap Kohhran Pavalai Pawl In-tawhkhawmna Serchhip-a neih chu Pathianni zan khan tiakin nimin atang khan Intawhkhawmna neihna hnuhma senghawi hna leh Pandal thiah hna chu thawh tan a ni a, Palai te pawhin nimin khan mahni khaw lam an pan hlawm…

Serchhip Tuikhuah Veng-a lei tlahniam thin chu a venna siam tum niin tunhnai khan a hmunah enfiah leh a ni.

Zirtawpni kalta Oct. 16 2026 zan khan Ngursangzuol Sanate s/o Thanghlira Sanate (L), Sakawrdai Hmar Veng Branch YMA ‘Z Section’ Information Secretary nilai chu HPC (D) kutah a thi nia thudawn a ni a, Sakawrdai Joint YMA leh Central YMA chuan he thil thleng hi an dem thu an sawi a ni.

Bible Society of India (BSI), Andhra Pradesh Auxiliary kum 75-na (Platinum Jubilee) lawmna nimin-a neih chu Chief Minister Lalduhoma chuan khuallian nia hmanpuiin, “Bible hi Mizorama eng rawn chhi luttu, rinna chauh ni lo, zirna leh khawtlang nun dan tha te, midangte tana inpekna te inunauna leh thawhhona thate min zirtirtu a ni,” a ti.

Mizo hmeichhia, Strawberry hlawhtling taka chingtu leh khawvel pum huap chawimawina 'FAO 100 Women Heroes in Agrifood Systems and Rural Development' dawngtu ZT. Lalrithangi chu nimin khan Horticulture Department changtu Minister C. Lalsawivunga chuan lawmpuina hun a buatsaih.

Oil Palm chingtu ten kumin-ah Fur ruahtui tlak laia Oil Palm rah thiarchhuahna ah harsatna an tawh avangin cheng nuai 100 chuang an hloh anga chhut a ni a, hetihlai hian sawrkar in Oil Palm ah hma a lakpui zel avangin Oil Palm farmer ten an Oil Palm hmun an zauh belh bakah Oil Palm ching thar an pung zel.