Latest News

Khaw pahnih hmun khuahkhirh bikah puan an ni

Serchhip District Bawrhsap Kumar Abhishek IAS chuan tunhnaia Serchhip District chhunga COVID-19 hri kai hmuhchhuah tamna Leng khua leh Chekawn khua te chu COVID-19 hri darh zel thei dinhmunah a ding nia a lan avangin hmun khuahkhirh bik (Restricted Area) atan a puang a. Chekawn khua ah hian tunhnaiah hri kai mi 20 lai hmuhchhuah ni tawhin enkawl dam an awm chho tan mek a, Leng khua ah hian hri kai mi 52 hmuh ni tawhin enkawl dam an la awm lova, hri kai te enkawlna atan hian 4C pahnih siam a ni bawk.

EMRS-ah hri kai mi 17 hmu

Serchhip Kawlri tlang-a Eklavya Model Residential School-a zirlaite chu nimin khan an Sample enfiah sak niin COVID-19 hri kai mi 17 zet hmuh an ni.

Thudawn danin sawrkar in hri leng vanga inkaihhruaina siama phal a pek angin Nov. 4 khan EMRS Serchhip-ah hian zirlaite an lut leh tan a, an zirlai naupang zingah damlo khawsik awmin nimin khan mi pahnih chu an Sample enfiah sak a nih hnuah pakhat hian COVID-19 hri a kai tih hmuh a ni a, hemi hnu hian EMRS-a awm mi 43 te chu an Sample enfiah sak nghal niin heng atang hian hri kai mi 16 hmuh belh leh niin he School atang hian hri kai mi 17 hmuh an ni ta a ni. EMRS-ah hian dormitory pakhat chu hri kai te enkawlna atan hian ruahman nghal a ni.

Comments

Chhiar Hlawhte

Book of the Year hlan