Lenkawl

Tunhnaia Mizoram leh Assam ramri chungchang buaina thleng avanga Mizoram ramri venhim hna thawktute tana Serchhip Sub-Hqrs. YMA in tanpuina a khawn te chu Vairengte lama hlan turin nizan khan Serchhip atangin phurhthlak a ni.

India ram UT leh State hrang hrang Covid vaccine la zat tam lamah tun dinhmunah Mizoram chu pasarihna a ni mek a. Tun thla tir thleng khan hri danna dawng tawh mi 8,28,867 an awm a ni.

COVID-19 chungchanga sawrkar aiawha thupuangtu Dr. Pachuau Lalmalsawma chuan, “Total lockdown phelh thawl hi thawktute hian kan chak tawh. Mahse, tuna kan dinhmun thlir hian In lamah kan in en hlum lo ang tih pawh a sawi theih loh,” a ti.

India hmarchhak State hrang hranga Congress Thalaite chuan India hmarchhaka State ramri buaina chinfelna kawnga awmze nei zawka inrawlh thuai turin Prime Minister chu an ngen.

Tunhnaia Mizoram leh Assam ramri buai vanga Mizoram chak lakna kawng Assam lamin an dan avangin Mizoram in damdawi leh mamawh hrang hrang lakluh kawngah harsatna nasa tak a tawk tih Health Minister Dr. R. Lalthangliana chuan a sawi.

Governor in PM a kawm

Pathianni khan Mizoram-ah Sample 1212 enfiah niin COVID-19 hri kai mi 438 hmuhchhuah an ni a, hri kai hmuhchhuah zat hi tlem deuh mah se Sample enfiah atanga chhut chuan za zela 36.13 zetin hri an kai a ni.

Chief Minister Zoramthanga chuan nimin khan Twitter kaltlangin Mizoram leh Assam inrem theih nan leh mipuite thlamuang zawka an awm theih nan Vairengte Police Station-a Assam mi te laka July 26-a FIR an thehluh chu an sut leh tih a sawi.

ZPM Thalaite chuan Mizoram sawrkar chu hri len laia sum a hmuh hnem ang aiin a mi te tana luangchhuak tawklo nia an hriat thu an sawi.

MNF Thalai, Mizo National Youth Front (MNYF) chuan ramri chungchanga Mizo mipui tanrualna chu lawmawm an tih thu an sawi.

Tunhnaia Mizoram leh Assam ramri chung-changa buaina thlenga Lalsangpuii te nupa chunga thil thleng chu Mizoram State Commission for Women chuan National Commission for Women, Delhi-ah a hriattir.

Serchhip-a Legal Metrology Enforcement Staff leh Serchhip District Consumers Association te chuan nimin tlai khan Serchhip Bazar a dawr thenkhat enfiahin Dawr pakhat atangin MRP aia to-a thil zawrh an man a, heng an thil man te hi thil chi 5 niin a …

Serchhip-a awm 8th Assam Rifles te chuan nimin khan Blood Donation Drive neiin damlo a mamawh apiangte tana thisen pek pawimawh zia inzirtirna an nei a, hemi pual hian Serchhip Blood Bank-ah thisen pekna hun buatsaih bawkin mi 10 in thisen an pe baw…

Keitum Branch YMA te chuan nimin atang khan an huamchhunga chhungkaw pakhat chenna In tur an sak sak.

Serchhip District-a African Swine Fever (ASF) avanga Vawk thi chu a tlahniam hret hret niin a lang a, nimin khan Vawk thi 29 chiah chhinchhiah thar a awm a ni.

Serchhip District-a COVID-19 hri kai hmuh tawh chu 844 an ni tawh a, hri kai zinga zaa 92.18 te chu enkawl dam an ni tawh.

COVID-19 hri leng mek laka mipuite an him theihna tura zawm tur, Covid Appropriate Be-haviours (CAB) chungchang inzirtirna chu nimin tlai khan Serchhip Bazar-ah neih a ni.

Serchhip District Bawrhsap, Kumar Abhishek IAS chuan COVID-19 hri leng mek laka himna tura inkaihhruaina Dan siam te mipui ten an zawm that loh chuan Total Lockdown emaw, inkaihhruaina khauh zawk emaw siam a nih leh tur thu a sawi.