Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Central Prabhari Officer in Mamit a tlawh

Mizoram atanga District hnufual chawikan ngaia thlan Mamit District chu nimin khan Central Prabhari Officer leh Department of Land Resources, Watershed Management Division-a Joint Secretary, Umakant chuan tlawhin District thuneitute nen inkawmna neih a ni.

He inkawmna ah hian Umakant-a chuan hri leng avangin duh anga Mamit District a tlawh theihloh hnuah khawtlang hruaitu, tlawmngai pawl leh Department Official te nen meeting an nei chu lawmawm a tih thu a sawi a. Aspirational District Mamit in hmasawnna a hmuh theihna tura District Bawrhsap leh Department dangte hmalakna avanga tehfung hrang hranga an dinhmun chu a lawmawm thin hle a ni, a ti a. Mamit District hnufualna lak ata chhanchhuah a nih theihna tura theihtawp chhuah tlan erawh a tul thu sawiin, Mamit District-in hmasawnna tluantling a neih theihna turin Kawng, Eng leh Inbiakpawhna signal tha chu ngaihpawimawh a tul thu sawiin, District-in harsatna a neihte chinfel a nih theihna tura Aspirational District Mamit chu tlawh a nih thu a sawi bawk.

Mamit District Bawrhsap Dr. Lalrozama kaihhruai he hunah hian State Prabhari Officer Lalmalsawma Pachuau pawhin Mamit District-in hmasawnna an hmuh theihna tura thawktute thahnem ngaihna a lawmawm thu sawiin, tan la zel turin a chah bawk.

He hunah hian Mamit khawpui chhunga hmasawnna hnathawktu Department hrang hrang, Tlawmngai pawl leh khawtlang hruaitute kalkhawmte atangin Mamit District hmasawnna tur hrang hrang sawihona neih zui nghal a ni a. Khawtlang hruaitute'n rawtna an neihte CPO hnenah hian an thlen bawk a ni. Central Prabhari Officer hian Mamit khawpui chhunga Anganwadi Centre thenkhat a tlawh nghal bawk.

India rama District hnufual thlanchhuah 115 zinga thlan Mamit District-ah hian mihring 86,364 (2011 census) niin Mizo, Bru ( Reang) leh Chakma an cheng a. Ziak leh chhiar thiam tam lam hi za zela 84.74 a ni a. Aspirational Programme hi June 2018 atang khan kalpui tan niin hemi kum July thla tehfungah hian Mamit District hi 94-na niin kumin 2021 October thla khan Overall-ah 8-na ah a inhlangkai a ni.

Tehfung hrang hrangah hlawhtlinna lo hmuh ni tawhin April 2019-ah 1st Education, October 2019-ah 2nd Overall, January 2020-ah 5th Overall, July 2020-ah 2nd Overall, October 2020-ah 3rd Overall, August 2021-ah 14th Financial Inclusion & Skill Development, September 2021-ah 10th Basic Infrastructure, October 2021-ah 8th Overall-ah te hlawhtlinna lo hmuh tawh niin heng ranking hrang hrang atanga hnathawh that avang hian Incentives Award cheng vbc. 16 hmuh a ni dawn a. Project Proposal pawh Niti Aayog ah thawn a ni tawh a ni.

Comments

Popular News (Last 30 Days)