Mizoram-ah COVID-19 hri kai hmuh belh zel an ni
Niminpiah khan Mizoram-ah Sample 1622 enfiah niin COVID-19 hri kai 192 zet hmuhchhuah leh an ni a, Sample enfiah atanga za zela 11.90 te chuan hri an kai a ni.
ZMC-a hman turin Ruang phurhna Motor hlan
State Bank of India, Mizoram Staff ten Zoram Medical College (ZMC)-a hman tur COVID-19 hri kai boralte ruang phurhna tur, Morgue Van an lei chu nimin khan Health Minister, Dr. R. Lalthangliana hnenah an hlan.
NH. 6 laih tur chungchang DC in khaw 2 te sawipui
Khawzawl District Bawrhsap, Zothanmawia chuan niminpiah khan Kawlkulh leh Dulte khua te tlawhin National Highway No. 6 kawng laih dan tur duh lova heng khaw pahnih ten lungawilohna an lantir mek chungchangah khawtlang hruaitute a kawm.
Hri kai hmuh belh zel an ni
Niminpiah-a Serchhip District-a sample enfiah atangin COVID-19 hri kai mi 4 hmuh an ni a, nimin khan hri kai mi pakhat hmuhchhuah leh an nibawk.
Hri leng do nan Motor thawh
Serchhip Bazar Veng-a cheng K. Laldaih-vela chuan COVID-19 hri leng dona kawnga a tul apianga hman turin a Motor chu thawhin Serchhip Kawnpui VLTF ten he Motor hi an enkawl dawn a ni.
PCR H/S Office rawk a ni
New Serchhip Venglai-a Govt. PCR H/S chu tunhnai khan rawk a ni a, School rawktu hian pawisa ruchhuakin hemi chungchangah hian Serchhip Police Station-ah FIR thehluh a ni.
Kum 18-44 te Vaccine pek mek niin Vawiin ah Frontline Worker te Vaccine pek leh an ni dawn
Serchhip District-ah kum 18 leh 44 inkar ngaih pawimawh hmasak te COVID-19 Vaccine pek leh an ni a, Vawiin-ah Serchhip Town chhunga VLTF Fronline Worker te hri danna pek leh an ni bawk ang.
ASF vangin Serchhip Dist. ah Vawk 68 thi tawhin khawtlang hruaitute nen hmalak a ni
Serchhip District-a Vawk hri leng mek, African Swine Fever avangin nimin thleng khan Serchhip District-ah Vawk 68 a thi tawh a. Serchhip-a AH&Vety Department hotute chuan Vawk hri lenna hmuna puan tawh ah Vawk dang an thih zel lohna tur leh Vawk thi sawngbawlna kawnga khawtlang hruaitute hmalakna chu lawmawm an tih thu an sawi.
