Lenkawl

February thla chhunga kalpui tur ‘Road Safety Month 2026’ chu nimin February 2, 2026 khan hman tan a ni leh ta a, chhinchhiahna atanga a lan danin nikum (2025) chhung khan Mizoram-ah lirthei chetsualna tum 73 thleng ah mi 56 thiin hliam tuar mi 45 an awm bawk. 

Sawrkar Flagship Scheme ‘Bana Kaih Scheme’ chungchang mipui hnena uar zawka zirtirna kalpui dan tur leh he Scheme hnuaia hlawhtlinna changte Media kaltlanga puanzar hna kalpui dan tur inzirtirna chu Zirtawpni khan Directorate of Information & Public Relations chuan Aizawl-ah an buatsaih a, he hunah hian District tin a DIPRO leh AVPA-te telin Asst. Nodal Officer, Hmingthanzuala chuan Bana Kaih Scheme Phase-I chhunga publicity kalpui dan thlirletna hun a hmang a, Phase-I kalpui chhunga Loan Component leh CM Special Package dawngtute hmalakna enpui zung zung a tul thu sawiin, Bana Kaih Scheme hnuaia thlai ‘support price’ pekte chu February leh March chhunga seng leh tihral a hun chhoh leh dawn avangin ‘Publicity & Documentation’ tha taka kalpui a nih theih nan inpuahchah tan a pawimawh thu a sawi a ni.

Mizo Juda ti a sawi, Bnei Menashe ti a invuah mi 300 vel chu tun thla chhunga Israel rama pem turin an inbuatsaih mek.

Indian Oil Company Limited ten kum tin-a an kalpui thin Hapta hnih chhung Oil leh Gas renchem inzirtirna hun, ‘Saksham 2025-2026’ chu nimin khan hman tan leh niin Chief Minister Lalduhoma chuan Aizawl-ah he hun hi a hawng a ni.

Rimawi hmanga hmarchhak bial thalaite hnena HIV/AIDS darh zel tur laka invenna leh inzirtira, Red Fest chu tunkar Zirtawpni khian Aizawl Falkland-a LPS Arena-ah neih a ni dawn.

Mizoram chhunga College hrang hrang paruk(6) atang thlanchhuah zirlai leh Official mi 45 te chu Nature Tour nei turin nimin khan Aizawl-a Chief Wildlife Warden Office tual atangin vailiam an ni.

Nikum (2025) April leh December thla inkar chhung khan Mizoram-ah HIV vei mi 3,354 hmuhchhuah thar an ni.